مجرد خيال.......(امنية خيال ان يصبح انسان لكن خاب امله)

مجرد خيال

خيال لشخص تعيس أو تمثال حاول يعيش بين الناس بيدور لنفسه على قلب بيدور لنفسه على حب بيدور في كل مكان حاول

يبقى أنسان بس قال بينه و بين نفسه قبل ما يحصل أي تغيير أشوف الأول الأنسان ده كويس ولا خطير راح و عاش بين

الناس شاف أنه مفيش أحساس شاف حجات كتير واحد بيبيع نفسه و اهله عشان فلوس و التاني بفلوسه و نفوذه على رأسنا

يدوس و و احد يسرق عشان جعان و التاني يسرق مع أنه شبعان و أخ يقتل أخوه , حتى الحب مش لاقي واحدة تحبني

و أحبها ترتحلي و ارتحلها و احكيلها على اللي في قلبي و تحكيلي على اللي في قلبها تداوي جرحي و تخفف ألمي

و تمسح دموعي و تطفي شموع حياتي الحزينة و تنور طريقي بأبتسامة من قلبها بس للأسف الأنسان قتل الحب بأيديه دفنه

وداس على قبره برجليه بصراحة شوفت اني أحسن من الأنسان بكتير صحيح أنا خيال و لوحدتي أسير لكن عمري ما خنت

حبيبتي عشان واحده ما تسواش ولا بالفلوس أشتري و أبيع في الناس ولا بعيت أخويا بالفلوس ولا عايش حياتي أجمع كنوز

ولا سرقت فقير و على الضعيف أدوس ولا أمير ظالم أعامل شعبي زيهم زي الجاموس بس انا ما أنكرش اني أتعلمت من دنيا

الأنسان حجات كتير ما تقولش امبارح حصل ايه قول بكره هتعمل ايه و ان صاحب المبادئ في الزمان ده يخسر و صاحب

الفلوس يكسب يعني المهم انت تسوى كام و اللي بيقيس الناس بالفلوس هيعيش و يموت ليها خدام و أتعلمت ان الحق بيضيع

و الباطل مفعوله سريع و الحق خيبة و الكدب سيد المشاريع و الوفاء عمله نادرة و الخيانة وباء مريع و أتعلمت ان الناس

انواع منهم اللي اشتره نفسه و منهم اللي باع و منهم اللي صدق هدفه و منهم اللي عاش حياته على الغش و الخداع

و في واحد عايش في الدنيا يحارب عشان مبدأ رباه ابوه عليه و التاني يوطي للناس عشان ينداس و كل شيء هو موافق

عليه و في واحد طول حياته يقول ليه ليه ليه و في واحد قافل بابه على نفسه يقولك انا راضي بكده يا بيه و واحد ماشي

في الدنيا مغمض عينيه يقولك كده أحسن معرفش ايه ورايه ولا اعرف قدامي ايه و واحد يقولك مش فارقة معايا خلاص بقى

هنعمل ايه اتعلمت ان الدنيا مكسب و خسارة تعيش طيب شريف هتخسر كل حاجه تعيش حرامي نصاب هتكسب كل حاجه

و تبقى صاحب املاك بس ايه الفايد لما تكسب العالم كله و تخسر نفسك و مع ذلك هفضل خيال لشخص تعيس او تمثال

في النهاية

مجرد خيال

ايه والله خيال مااحلى الانسان انو يعيش بالخيال يالله لو كانت حقيقتنا خيال بس للاسف حقيقتنا مزيفة

هذه الكلمات ليست منقولة و هي من صنع يدي

منيح إنو كان مجرد خيال
يسلم إيديك

ويبقى في النهاية

مجرد خيال

الله يعطيك العافية كلمات منسية
كلماتك رائعة

تسلم ايدك شي حلو...

اريج الشام

رنيم

شاعر الرومنسية

عروس الشام

انتم من زين كلماتي و جعلتم له معنى

شكر على مروركم العطر