هل الحب حرام ام عيب ام ماذا ؟؟؟؟

هل الحب حرام ام عيب ام ماذاا؟؟؟؟؟؟

الحب مو حرام ولا عيب ولا مكروه الحب مرحلة بيمر فيها الانسان وبيصنع فيها التجارب والحياة

الحلوة وفي ناس حبو وتهنو وناس حبو وانظلمو الحب حلو واصعب شي بالحب انك تحب شخص

عم يلعب ب مشاعرك وب قلبك ف عشان هيك اعرفو تختارو مين تحبو والحب مووو لعبة طيب

انا حكيت شو الحب انتو شو رايكون هل الحب حرام ام عيب ام مكرووووووه ام ماااااااذاا؟؟؟؟؟؟؟

هناك انواع من الحب المحرم وهي معروفة للجميع ويجب الابتعاد عنها ليس لانها محرمة وانما لانها خطرة
وشكرا

شكرا على مرورك MOON

يأخذ الحب حكمه من نوعه ؟
والاسلام لا يقول لك لا تحب . ولكنه يقول لكل لا تقع في الحب الحرام واذا وقعت في الحب فلا تخطئ .
فما بني على حرام هو حرام .
وما بني على حلال فهو حلال .
وللحديث كلام يطول
==============
شكرا لطرح الموضوع
===============

نور الله يهدينا واياك للخير

مشكور ابو وليد عالايضاح هدى الل بناتنا لما فبه الخير لدينهم ودنياهم

الحب مو عيب ولا حرام وبالعكس هو احلى شي بالدنيا
بس السؤال عندي لو كانتو تنين بحبو بعضهم وبدهم يرتبطو بالحلال وعلى سنة الله ورسولة
بس الاهل معارضين وماوافقو على هذا الارتباط
والتنين ما بيقدرو يعيشضو من دون بعض
ولا بفكرو يبعدو عن بعض
بهاي الحاله بدهم يحكو مع بعض بالسر او بالخفيه او بالسرقه
وهون رح يكون غلط الاهل

مابعرف انا هاد الموضوع كتير محيرني!!

انتو شو رأيكم؟؟

شكرا على مروركم ومتل ماقالت عروس الشام وقتها بكوون غلط الاهل بالعكس المفرووض الاهل لما يشوفو بنتون حبت المفروض قبل ماتغلط يسمحولها ويتفقو مع اهل الشخص وبيصير شرعي شكرا لالك عروس الشام وبتشكركون مرة تانية شكرا للجميع

والله مافي كلام بعد كلامكم
بس انا براي الحب عاطفة وما لازم نمشي ورا عواطفنا بدون تحكيم العقل وغالبا هون بيصير الغلط

من شان يلي حبو بعضن وبدن يتجوزوا بالحلال والأهل ما وافقوا !!!!
طيب تعو لناقش الموضوع
واحد ووحدة حبو بعضن ومالن مرتبطين أصلا .... معناتها من هون بلش الغلط لانو ما بيجوز بنت تحب شب ولا شب يحب بنت من دون ارتباط وخارج اطار الزواج ....
طيب صار يا سيدي وحبو بعضن ولازم نصحح الغلط يلي ساووا أساسا وبدن يتجوزا بالحلال .. حلو هادا الشي المطلوب نصحح الغلط الاساسي !!
طيب الأهل ما وافقوا ... شو نساوي ... هلأ هون غلط تاني من الأهل المفروض يحتووا الموقف ونساعد الشب والبنت على سلوك الطريق الصحيح ... طيب ما وافقوا الأهل وما عجبن الموضوع من اساسو
شو نساوي ... المفروض اذا كان في وازع ديني عند الشب والبنت الالتزام بالشرع وعدم الوقوع أكثر في الحرام
اذا التقوا بالسر وصاروا يحكو مع بعضن هون الغلط كبر وكبر كتير وبلشوا بدال ما يحلو المشكلة الأساسية ويلي هيه الوقوع في معصية الله عز وجل ... وهون الغلط الكبير ان يصل المرء لمرحلة يعتبر لحظات في الدنيا الزائلة أهم من عبادة الله عزو جل وطريق الآخرة .
اما أنو ما بيقدروا يعيشوا من دون بعضن فهاد غلط كبير كتير مو لازم أي بني آدم يصل لهل المرحلة لأنو هي مرحلة خطيرة أنو الواحد يرتبط مصير حياتو بغيرو ....
يعني باختصار عدوا كم غلط ساووا الشب والبنت وكم غلط ساووا الاهل
وحكموا غلط مين أكتر بيكون هو الغلطان ... وكل واحد بدو يحمل غلطو لحالو وما حدا رح يتحاسب عن حدا .
وغلط اللآخرين ليس مبررا لغلطي ...
ولا تزر وازرة وزر أخرى
وبالأخير مع إني كترت حكي كتير رح أورد آية من القرآن الكريم
قال تعالى : وَمِنَ النَّاسِ مَن يَتَّخِذُ مِن دُونِ اللّهِ أَندَاداً يُحِبُّونَهُمْ كَحُبِّ اللّهِ وَالَّذِينَ آمَنُواْ أَشَدُّ حُبّاً لِّلّهِ وَلَوْ يَرَى الَّذِينَ ظَلَمُواْ إِذْ يَرَوْنَ الْعَذَابَ أَنَّ الْقُوَّةَ لِلّهِ جَمِيعاً وَأَنَّ اللّهَ شَدِيدُ الْعَذَابِ }البقرة165
الله لا يعلق قلوبنا الا فيه .
ما تواخذونا كترنا حكي .. سامحونا
================================

معك حق اخ عماد
مابني على خطا فهو خطا
ولا يصح الا الصحيح

بس يا اخ عماد لا تنسى انو قلبك مو بإدك وكمان مو بإيدك انك تتعلق بشخص ما
شو بتعمل بحالك يعني !!!

والله يا أخت عروس الشام موضوع الحب موضوع يطول فيه الكلام دعيني أوجز قدر استطاعتي كلماتي
وإن كان أغلب حديثنا في الحب هو عن الحب بين الرجل والمرأة فهو أغلب نوع للحب ما يقع فيه الناس بالحرام .

قال الشاعر :
أتاني هواها قبل أن اعرف الهوى فصادف قلبا خاليا فتمكنا
وقال ارسطو :
العشق جهل عارض صادف قلبا فارغا لا شغل له من تجارة ولا صناعة .
وقال أحدهم : لم أرى حقا أشبه بباطل ولا باطل أشبه بحق من العشق هزله جد وجده هزل وأوله لعب وآخره عطب .
حقيقة من كان قلبه خاليا هو من يقع في الحب .. صدقيني في مثل هذه الامور قلب المرء بيده . ولا أختلف معك أن القلوب بيد الرحمن يقلبها .. فنسأل الله عزوجل ان يثبت قلوبنا على طاعته لكن لا ننسى ان الله تعالى قال في الحديق القدسي : يا عبادي إنما هي أعمالكم أحصيها لكم فمن وجد خيرا فليحمد الله ومن وجد غير ذلك فلا يلومن إلا نفسه .
لا يجوز ان اصف قلبي بالضعف وأن أمره ليس بيدي فأتيه مجنونا بحبيتي . الدنيا فيها أكثر من ذلك .
لكن الحب يبدأ من النظرة الاولى :
ان جاء نظري على فتاة فوجدت فيها كل ما أرجوه من أنثى ... وقع نظري عليها من هنا يبدأ الاسلام بالحل فحرم الاسلام علي النظرة الثانية . قال الرسول (صلى الله عليه وسلم ) لعلي " يا علي لا تتبع النظرة النظرة فان لك الأولى وليست لك الثانية " من هنا يجب ان يبدا المسير في الطريق الحلال وهو الزواج .
اذن إن لم أبدا بالدواء منذ البداية واستمر النظر ثم الموعد واللقاء والحديث و خفة الدم والضحك ووووو ... ثم
أقول ان حياتي معلقة بها وأن قلبي بيديها ومعها .. الم يكن أمري بيدي من النظرة الآولى وولو داويت نفسي قبل ان أقع ! لكل مرحلة دواء لها .
و هل جوابي أن قلبي ليس بيدي هو جواب ينجيني يوم القيامة .
عم كتر حكي ما تواخذوني >>>>>
يوجد حديث هو ضعيف لكن هو صحيح في معناه :
قال الرسول (صلى الله عليه وسلم ) "من عشق فعف فكتم فمات مات شهيدا "
على كل سواء ان وصل قلبي لمرحلة انه ليس بيدي وملكته لغيري ام لا .. الاسلا م يقول لك لا تقع في المعاصي والكبائر خاصة .

للحديث عن الحب كلام كثير في كتاب الداء والدواء ... حقيقة هو نصيحة لمن أراد ان يجد دواء للحب إن وصل لمرحلة المرض .
================
كترنا حكي .... سامحونا
===============

الله يجزاك الخير على هالافادة ..

والله يقدرنا نبعد عن الحرام قدر المستطاع..

شكرا لمروركم كلكم شكرا لالك اخ عماد كلامك صح بس في شي هلأ اذا كان الحب اسير مارح يصير حرمانية
مثلا الشب بيكون من العيلة والبنت بتقربو وحبو بعض بس ماحدا قال لتاني انو انا بحبك بس يمكن من العيون بيفهمو في طريقة الحكي بالعيون وبيجي الشب بيطلب ايدها للزواج وهي بتوافق هيك ماصار حرمانية صح وبشكركون مرة تانية شكراااا كتييييييير ع مروركم

صح .
وهاد هو المطلوب في الاسلام ( إن احبب فالزم طريق الزواج .. لا طرق الحرام ) وقد قيل : لم يُر للمتحابين خيرٌ من الزاوج .
وانا بدوري بشكرك وبشكر كل يلي شكروني أوأيدوني بطرحي .
وشكرا لك على طرح الموضوع .
============================

والله هالنقاش رائع
وما حبيت اضيف رد الا لتنتهو منو
انتهيتو او لسى في تاني

هههههههههههه اي انتهينا فيك تحط رد وشكرا لمروركون كتير مبسوطة منكون انكون شاركتو بموضوعي

طيب ارجو التوفيق للجميع ويكونو استفادو من هالنقاش
وتكون الفائدة عمت ارجاء المنتدى وكل مين ناقش او اضاف رد

بس نور

وشكرا لمروركون كتير مبسوطة منكون انكون
لمروركم منكم انكم

ههههههههههههههه انا هيك بكتب شو ساوي بحاول زبطتها بس مابتزبط وخلص لعيونك مرة تانية شكرا لمروركم