القاموس الشامي

يسلم هالتم مالك روعة

اقتباس :

وخنان : مسبة مانها ظريفة بس وضعت للضرورة اللغوية

الله يذكرك بالخير يا ماما

شكرا على مروركم واللي عندو اضافة يضيفها

اللي أحلى من هيك اللي مكتوب على السيارات مثل لا تلحقني مخطوبة
ميلي على ميالك
وكثير شغلات

هي ما بتعبر من القاموس؟

فيك تضمها أخي ماريو مو غلط
شكرا على مرورك

والسبع تنعام: لنا الشرف
عقلو جوزتين بخرج: شخص ضيق الأفق , و يغير عقلو بسرعة ,
حاج تحوص وتلوص: توقف عن التنقل من مكان لمكان

شروي غروي: الذي يتكلم كلاماً بلا معنى من الشرق إلى الغرب>
أسييع: أفسح المجال لكي أمر يعني اوسع بتسمعها بسوق الحمدية اكتير و خاصة من
جماعة الدراجة الهوائية هههه
خود عليك: ابتعد قليلاً و بتكون بالإشارة للكمان خود عليك لهون

> كلبشتو: تعلقت به، تمسكت به من كلبشة
>
> مجنط: مفلس , يعني راح الكاوشوك و صفي على الجنط ابدا ولا نكلة
>
> سرنوة: خبيثة تخفي خبثها بذكاء
>
> الشنتير: الكبير الذي لم يعد طفلاً و غالبا يستخدم المصطلح مع البهدلة
>
> أنتتر: يعني انتفض نط بسرعة
>
> الشاضومة: أمرأة قوية وثرثارة و تشضم شضما , يعني بتحكي بقوة و عنف
>
> أم كمونة: البخيلة
>
> جئر: وقح وعنيد
> النايط و النعيان : الإنسان البارد والبطيء
> سمّاوية: المرأة القوية واللئيمة , اللتي تبث السم يعني تئذي الأخرين
>
> دفصعونة : الفتاة الصغيرة و نفس الشي الفصعون و المنطوط
>
>
> هرنة: فتاة في مقتبل العمر ولكن تتصرف وتتكلم ككبار السن
>
> صعي: على فكرة أو للتعجب واصلها صحيح بس تأكلت مع الزمن
>
> ليكو، ليكا، ليكوكة: أسماء الإشارة للبعيد بألك ليكو هنيك لاطيلك
>
> لاطيلك : يعني لاطي متخبي , يتربص
>
> شحو، شحوكة: أسماء إشارة للقريب
>
> وين غاطط: تقال لشخص لم نره من مدة
>
> شفاتير : شفايف
>
> معت : يعني ممل بايخ
> مفزلك : يعني شايف حالو على الفاضي او مفلسف فزلكة يعني فبركها حبكها فلسفها
>
> زمك : يعني قصير
>
> سئيل : يعني دمه تئييل
>
> معنطز: شايف حالو و عم بتعنظز على الخلئ
>
> طشم: غبي جداً
>
> سرسري: الشخص الرذيل السافل
>
> بركي, بلكي : أي بمعنى ربما
>
> مسرسبة: تحب النظافة كثيراً بشكل احيانا يشكل ازعاج "مسودنة بالحمصي"
>
>
> شو عليه: تدل على المواقفة، لا مانع أي انه ما عليه شي انتس أوكي" قولو متل ما بقولا أبو عنتر"
>
> مطرمخ: حالة الشخص بعد الاستيقاظ مباشرة، أو الشخص المريض.أي بمعنى راسو تقيل و
متل يلي نائر سيجارة حشيش
>
> الشرنة: هيي المرة الوسخة المكركبة المبهدلة والمجعلكة
>
> يا عيب الشوم: عبارة بتعني أحد معنيين ياأما سلبي (ياعيب الشوم عليك) أي شو انت
ما بتستحي؟؟ أو إيجابي (ياعيب الشوم منك) أي والله خجلتني بلطفك وما كنت بدي عزبك
>
> أواعي: جمع واعة أي الملابس
>
> سد بوزك: أي اسكت أو اصمت أو اخرس.... مسبة طبعا
>
> أوعا أوعي, أوعا الزيت, أوعا السمنة,... إلخ: تعبير مو كتير أديم درج بعد ما درجو
البسكليتات بالبلد وكانو يستعملوون راكبين البسكليتات وخصوصي بحارات الشام الأديمة
والديئة طبعا كتنبيه أو إنذار بمعنى (انتبه.. ورائك دراجة
>
> ليك, اطلع, شوف: يعني انظر
>
> ليش: أي لماذا
>
> دخيلك: اختصار ل(داخل على الله وعليك\عليكي) بتفيد الترجي أو التمني وبتستخدم
كمان للغزل
>
> متووك : يعني شخص عايش بقدرة قادر
> عايف حالو : يعني لا حول له ولا قوة
> عيفنا يا : يعني تركنا من هالشي
> خود بئا : يعني استلم وسماع ( عن امتعاض
> اصلن : يعني اساسا او بالاصل
> يي على كسرتك : دعوة من دعاوي النسوان الي مالها طعمة
> ينيشنوك من ببو عينك : يعني يئوصوك وتدخل الرصاصة بمنتصف عينك
> ببو عينو : يعني بؤبؤ العين
>
> في مصطلح: انشالله ما بحترمك, ويفيد الرجاء من الله ألا يحرم من هذا الشخص
>
> مخَسْتِك : يعني تعبان ومرضان وعايف حالي
________________________________

برافو رنيم أشكرك على الإضافة الرائعة
وبطلب من الأدمن التثبيت

كنت بدي إقترح النقل بس سبقتني
صحي بعض مصطلحاتنا متل بعض الكلمات الشامية بس لعيونك
رح ينزل الموضوع

مالك الحزين ورنيم يعطيكم الصحة والعافية

alright شكرا لجميع من مرو على الموضوع وأضافو اضافتهم

يعطيكم ألف عافية

عفكرة نور

اقتباس :

ايه عازك وعوازك وألف رقعة بانبازك

هيدا كلماته حمصية أوح يعني أنبازك هو الثوب

ايه انشالله مابحترمك


يلا حمصية شامية مو مشكلة مو نحنا صحاب frind

أكيد كلنا صحاب شكرا على اضافاتكم ومروركم الجميل

يا الله شو نفسي شوف اللي اخترع هالمصطلحات ياترى كيف رح يكون شكلو ؟!!

يسلمو ع الموضوع...

تحياتي..

بدي شوف شكلو لانو اكيد شكلو رح يكون نهفه متل هالنهفات اللي مخترعها .....

اعضاء الشام ع طول كتار يا عزيزي لانو مافي احلى منهم ولا انت شو رأيك صديقي شاعر الرومنسيه؟!...

له له الله يسامـــــــحك انتو الخير والبركه .. وكل الناس خير وبركه بس انا كنت عم بمزح والله ...

بالمناسبه انت من وين يعني ؟!

تحياتي الك اخي شاعر الرومنسيه...