مصطلحات حمصية "شو رأيكن واللي عندو زيادة يضيف "

أول شي افصلوا الخط وسكروا الباب مشان إذا ضحكتوا ما حدي يسألكن ليه

هلأ قروا عمهلكن
بس ترى ما كل هل الكلمات بتنقال يعني بتعرفوا الغريبين ما بيفهمون

هذه بعض المقتطفات من قاموس المصطلحات في سرد القصة الحمصية

شو بدك بطول السيرة
> > >جملة محشورة داخل قصة يزيد عدد كلماتها عن 100000000كلمة> > >
بدك الصحيح والا ابن عمه[ندعوك للتسجيل في المنتدى أو التعريف بنفسك لمعاينة هذه الصورة]
> > >مقدمة لكذبة من الحجم العائلي> > >
وماشفنالك إلا ..[ندعوك للتسجيل في المنتدى أو التعريف بنفسك لمعاينة هذه الصورة]
> > >موسيقى تصويرية قوتها 7.9 على مقياس ريختر لقصة سخيفة> > >
وما كذبت خبر
> > >عبارة لنفش العضلات وبداية لكذبة ورسم بطولات ما حصلت إلا بالخيال> > >
انت لسا ما بتعرفني
> > >تقال عندمايشعر المتكلم انه تبهدل وانمسحت بكرامته الارض> > >
الله يستر عليها
> > >تقال بعد نهاية كل قصة تم فيها نشر غسيل جميع بنات الحارة وصديقات بنات الحارة> > >
إشتهيناك تكون معنا
> > >تقال لحرقأعصاب المستمع واذلال شعوره> > >[ندعوك للتسجيل في المنتدى أو التعريف بنفسك لمعاينة هذه الصورة]
أنا، لا تواخذني بهالكلمة
> > >مصطلح يهيؤك نفسيا لسماع مسبّة ولكن بطريقة مؤدبة> > >
أنا والله مو فارئة معي
> > >تدل على اهتمام المتكلم حتى الموت بالموضوع> > >
سيدي ما علينا
> > >نهاية الحديث البايخ الذي كان يتكلم فيه على غيره بما لا يخصه> > >
عيّن خير
> > >بعبارة أخرى ....انسى الموضوع> > >
لا يروح فكرك لبعيد [ندعوك للتسجيل في المنتدى أو التعريف بنفسك لمعاينة هذه الصورة]
> > >يعني طنّش عن كل البلاوي اللي خبرتك عليها> > >
والله لو عرفان ما كنت تركتك [ندعوك للتسجيل في المنتدى أو التعريف بنفسك لمعاينة هذه الصورة]
> > >عبارة لتسفئو منّيّة ببلاش فوء الكمّ اللي أكلو> > >

مصلحات حمصية أوووح

شوية لخار : بعد شوي .. بس كأنو هي مستوردة من حماة!

تعا كل يوم : اداة للتخويت

حسن صبي : ينت مستزلمة

زكُوْرْت : زلمي (رجاااااااال يقبرني شو رجال) من الخالدية او باب السباع مع احترام بقية المناطق " بس عرفو تشكلوا

شووو منشان : اداة للبدابة بسؤال

خملت ( ضني : كلمة شامية) فكرت >اول مرة بشوف حمصي بيفكر<

لسع : لسه

مصرع : مثال : مصرع ما اجيت اي اجيت على حين

على حين : على بكير

لاو لو : اداة تخويت و مسخرة

سرجل من هون : تعني حليق و باللغة الفصحى اذهب من هنا ايها الوغد " طبعا منقول حليق"

ايووووووو: اداة للنداء مسنخدمة فقط من قبل الحماصنة الاوح " والمسبة من السائقين "

عم تبلتس : يعني فاتح البلوتوث و عم تظبط شي بنت

ابو عبدو : اداة للتكلم مع شخص ما بتعرف شو اسمو

تطلع : ..................

تنزل: متل تطلع

خيوووو: اداة للكذب %

ولا شمعة : مصرووووووووع ( مجنون ) " محروقة اللمبة "

تربتتا توو : اداة لتشفير المسبة اذا كان مع حدي

فيجي فيجي : اداة مستخدمة من قبل جماهير الكرامة للتخويت على الشوام

طلاع من راسي : غير الموضوع

ماااااااااخرج : اداة للنهي و الزجر

انت كفو : اداة لطلب شي صعب

كفوووو : نفشو وشووف ما أجملوو" هي لكل الحماصنة "

كبييييييييير : اداة للنفش

يسعد الله : اداة لتلطيش فتاة جميلة جدا جدا جداااااااا

يقطع عمرك: تقولها البنت الملطشة (اذا كان الشب ما حلو)

ميرسي: اذا كان الشب حلو

جعررررررررر: تعني و حسكة و علة

جمالك جمال مش عادي : تستخدم اذا شفت وحدي مظبطة حالها كتيييييييييير

دايقة خلاقي : يعني علقان انا و صاحبتي

سرسري : شخص صاحب مشاكل كتير (مشكلجي)

خااااااااروف : تقال للشخص يللي عازم عل شي محرز (غدا عشا.... الخ)

محسبوك : خدام شورابك

طنط : شب محسوب بالغلط عل الشباب

نيان : متل طنط

حاج تتمسخر : حاج تتخوت

دشرو: تركو بحالو

ماني غضران: يعني أنا مو قادر جسديا

تشكلو آسي: (بعيد الشر عن قلبي) يعني ريتني موت قبلكون وتيجو تزورو قبري وتشكلولي آسة عالقبر والآس: نبتة بتضل خضرا لفترة طويلة فبتسلي الميت بخضارها

عم يزوغل : يعني عم يغش
قطعتلك كرت : يعني أحطلك

كرَاتي ان شا الله : بدل على سوء الحظ

الله يمنترك ؟؟؟؟ لا اعرف شرحها مرة بقولوا لشي منيح ومرة لشي لأ

مفشكل : أي غير مرتب ولها مرادف مخربط

بفرد مرة = معا
يندفس ......يعني ينام

يئبر بعضو......يعني يئبر بعضو

أبو شمسو اشهر بياع حمُّص بحمص

عمنول وتعني السنة الماضية بس ترى ما كل الحماصنة بيعرفوها واللي بيعرفا مابيحبا
اول عمنول وتعني السنة ما قبل الماضية

شلافيط تعني ساخن جدا او حار جدا

حاجي عاد ................. اداة تعجب وتستخدم احيانا للتكذيب
حبالتاي...................... اسف على الشيْ
طالع دردو.................. اعتاد على امر ما حديثا
يتربح خطيتا............... يتحمل ذنبها
ولآن الجوع.............. جائع كثيرا
شحاري ................. دليل على الحزن
كماجي................... رغيف خبز
عم يبرطن............... عم يثرثر
عم يأفلم ............ عم يتخوت
مشلبن................. ناعم
مصرصع ............... ضعيف جدا
منظنظ .................. ناعم زياده
مون ون.............. متردد
مسودن................ شديد النظافه
مكرشن ................. مزموم
اريضه.................. لا معنى لها بتقولا إذا شي دايقك أكتر من مرة
ولد زرز............... دمه خفيف
أبوع وهو ما يوضع الايس كريم بقلبه
كوباي وهي الكبه ( وليست الكاسه )
المباراي وهي مباره بعد التعديل
الحق علاي يعني الحق عليه

كمشة مثلا تعني شوي
شوي تعني قليل
هلئ تين يعنى الان
جاموقة: بركة المي خاصة بعد المطر

مأآآآآطخ : أي يأخذ وضعية منحنية

مطبوز : حردان
هايشي: و معناها أجدب أو جدبي يعني تطلق على المذكر و المؤنث

الشبيحة ":الشلة والأصحاب أنا بقولا إذا كانوا كتيرين
هلأ في غيرن كتير بس عن جد إنو حلويين ما ؟؟

ربي يعطيكي ألف عافية أنا تسجيل متابعة وإلي عودة ما قريت شي غير مآطح مدري ليش شدتني
بشكرك مرة ثانية ويعطيكي ألف عافية

روعة رنيم الله يسلم دياتك يا رب

هلا أدمن بانتظار رأيك وقت بتقراهن كلن
هلأ متل ما قلت في كمان الله يعافيك ويسلم إيديك وإذا عجبك ثبته

عكيد ميرسي" بس هي ما دخلا بالمصطلحات "هي يعني شكرا هدا من ذوقك

مشكورة اختي رنيم...
هم زين نورتينا ببعض المصطلحات الحمصية حتى اذا زرناكم بسوريا نعرف اشوية ندردش بعض الكلمات.

حلوين هاي المصطلحات

لورانس العراق كتب:: مشكورة اختي رنيم...
هم زين نورتينا ببعض المصطلحات الحمصية حتى اذا زرناكم بسوريا نعرف اشوية ندردش بعض الكلمات.

حلوين هاي المصطلحات

أخي لورانس تحية طيبة
بتمنى منك أنك تقوم بعمل موضوع عن المصطلحات العراقية كمان
ولا ما كو وقت فاضي عندك alright

تسلمي رنيم على الموضوع بديت افهم

رنيم كتب:: هلا أدمن بانتظار رأيك وقت بتقراهن كلن
هلأ متل ما قلت في كمان الله يعافيك ويسلم إيديك وإذا عجبك ثبته

عكيد ميرسي" بس هي ما دخلا بالمصطلحات "هي يعني شكرا هدا من ذوقك

والله يا رنيم بالبداية لقيت كأنك عمتحكي عن أي لهجة سورية
بس بعد هيك صار في فرق
قال آح قال
إذا في حوليكي مقطع صوتي بيقولو آح فيه
بعدي على فكرة في عندي زميل وصديق بالشغل حمصي ولا مرة سمعتو عمقولها لهي آح

اقتباس :: أخي لورانس تحية طيبة
بتمنى منك أنك تقوم بعمل موضوع عن المصطلحات العراقية كمان
ولا ما كو وقت فاضي عندك alright
_________________

لورانس أنا بساعدك بس إنت بلش ولو هدا طلب من الأخ خالد وقت بتزورونا بتشرفونا
ولا ييهمك أخي خالد

اقتباس :: حلوين هاي المصطلحات

هاي بيقولوها الحماصنة شو بلشت تاخد من عنا

اقتباس :: تسلمي رنيم على الموضوع بديت افهم

ولو بس أنا بدي دورة مشان الحكي السعودي من بعد إذنك بركي بتساعدين ي

اقتباس :: والله يا رنيم بالبداية لقيت كأنك عمتحكي عن أي لهجة سورية
بس بعد هيك صار في فرق
قال آح قال
إذا في حوليكي مقطع صوتي بيقولو آح فيه
بعدي على فكرة في عندي زميل وصديق بالشغل حمصي ولا مرة سمعتو عمقولها لهي آح

هلأ انا قلتك إنو كلماتنا بتشبه كلما ت الشوام بس والله أنا دخلتلك بقلب الحماصنة يعني أنا ما بقول بعض هالكلمات إلا إذا حدي قالن إدامي
هلأ أنا مابعرف كاتبي شي آح أنا كاتبي أووح و أوح يعني عل مأصل هي كمان حمصية يعني ما بعرف شو إيه أباً عن جد

إذا كاتبتا ومافهمت عليك بس عينلي عليا من بعد إذنك ومن عيوني بدور عمقطع صوتي إذا لقيت
إنو اسأل رفيقك عن كم كلمة من هدول مشان تعرف حمصي أبا عن جد أو لأ ... سؤال

الله يسلم هالديات عمتو رنيم
ويعطيكي على قد نيتك ويقويكي وتكتبيلنا عن لغة العالم أجمع فرحان جدا

اقتباس :: مصلحات حمصية أوووح

غلطان طلعت أوح

SYRIAN MAN :الله يسلمك عمي ويقويك مشان ترد علينا وتعطينا رأيك

أدمن : بسيطة ولو

طيب ما جاوبتيني شو يعني أوح

اقتباس :: أوح يعني عل مأصل هي كمان حمصية يعني ما بعرف شو إيه أباً عن جد

والله كتبت سوري أنا اللي كتبتا مشان هيك ما دخلتا بالمصطلحات " يعني من الجذور "

رنيم كتب:

اقتباس :: أوح يعني عل مأصل هي كمان حمصية يعني ما بعرف شو إيه أباً عن جد

والله كتبت سوري أنا اللي كتبتا مشان هيك ما دخلتا بالمصطلحات " يعني من الجذور "

طيب يا أنسة رنيم ..
إذا جدك عايش الله يطولك بعمرو سأليلنا ياه
مختار حارتكم
ستك
أبوكي .. حيالله .. يعني والله ماني حمصي؟؟؟ لحتى أعرف شو معناها

جدو وتيتي الله يرحمن ما عندي ولا واحد منن

طيب حدي يساعدني ؟؟؟

ok رح حاول إشرحا يعني من وقت ما خلق وهوي من هي البلد نفوسه فيا وأوراقه وكل شي

هلأ كلمة شامية أوح يعني بس أهل الشام بيقولوها " حصريا " وهيك كلمة حمصية أوح خاصة لأهل حمص يارب كون قدرت وصل الفكرة hot