ماضي المرأة حرام ؟؟؟و ماضي الرجل تجربة؟؟

الإعجاب أو الحب بين الشاب والفتاه يصل إلى مستوى الجريمه التي لاتغتفر فإذا كان القانون لايعاقب عليها صراحه, فإن العادات والتقاليد والاعراف في هذا المجتمع هي التي تصدر الحكم وتقرر العقاب
وبمجرد أن تنتهي العلاقة بين البنت والولد , يتم تصنيفها تحت
ويبدأ يكيل بمكيالين, فهو يحكم على الشاب بأنها تجربة ولهو وتسليه وطيش ويغفر له ذاته , وعلى الجانب الآخر يحكم على البنت بأنها خائنه ومنفلته ومخطئة ولايجب أن تفلت من العاقاب
[ندعوك للتسجيل في المنتدى أو التعريف بنفسك لمعاينة هذه الصورة]
هذه الازدواجيه من المعايير الأجتماعيه دفعتنا إلى أن نقول

(( حلال للرجال .. وحرام على النساء ...)) كما دفعتنا إلى عدة تساؤلات ؟؟ ومنها

*ماسبب رفض الشاب الزواج من فتاه لها ماضي ؟؟

*ولماذا تقبل الفتاه الزواج من شاب له ماضي..؟؟

*وهل يحق للرجل محاسبة المرأة على ماضيها ولايحق للمرأة ذالك؟؟

*وماذا عن الرجل الذي يلجأ إلى تطليق زوجته عندما يعلم بماضيها العاطفي ؟

تساؤلات كثير في أذهاننا وتنتظر الاجابه
هل مجتمعنا الذي يحاسب الفتاه بكل صغيره وكبيره بينما بترك الشاب دون رقيب هو السبب؟؟

منقول

سأقوم بالإجابة بالنسبة لرأيي وشكرا على طرح الموضوع
- لأن الفتاة ليست كالرجل فالرجل يتباهى عند أصحابه وهو شيء جيد أن يكون (نسونجي) وكل يوم مع فتاة جديدة أما بالنسبة للفتاة فذلك يجعلها عاهرة ولا تفسير أخر لخروجهامع شخص آخر في مجتمعنا...
- تقبل الفتاة الزواج أظن انالإجابة الماضية لها علاقة بنفس السؤال.
- في حال قبول الطرفين ببعضهم البعض لا يحق لأي أحد منهم محاسبة الطرف الآخر عن ماضيه لأنه ما فات مات .. وعلى قولة المثل إذا صار هيك شي جاجة حفرت على راسها عفرت
- إذا لم يكن هناك سبب مقنع في طلاقها فهو غبي بكل معنى الكلمة
- بالتأكيد المجتمع هو المحاسب الأول لهذه المشاكل

شكرا مرة أخرى

يعني المجتمع الواعي رح يحكم على الشب مثل البنت تمام يعني بمجتمعنا لما يتقدم شاب لبنت ويعرفو الناس انو هالشب الي تقدم لبنتهم من الشباب النسونجية ما بيعطوه ونفس الشي البنت اذا عرف الشاب انها من البنات الي عم تطلع مع شباب وكان لها علاقات ما يقبل بها الا في حالة واحدة اذا الاثنين قبلو بعض بالرغم من معرفتهم بماضيهم . يعني ما لازم نحكم على المجتمع بشكل عام لانو كل مجموعة من الناس لها عاداتها ولها اسلوبها بالحكم
وبالاخر بنرجع للدين وبنقول انو في دينا ما في شي يغتفر للشب وشي ما يغتفر للبنت كلهم مثل بعض ويتحاسبو ويحكم لعليهم نفس الحكم
تحياتي

شكرا كتير اخ خالد على مرورك الكريم وتعليقك بس كمان اجابتك تدل على انك واحد من المجتمع الشرقي البحت يلي نحنا عايشين فيه بما معناه كلامك مااختلف ابدا عن يلي ذكرتو انا و مو بالضرورة اذا كانت البنت عندها علاقة مع اكتر من شب انها تكون عاهرة كما ذكرت انت ممكن انها لم تجد الشخص المناسب فاضرطت انها تبحث عن واحد تاني برايي انا في ظلم بمجتمعنا و الشب عندو حقوق وحريات اكتر من البنت .....ما بعرف بالنهاية كل انسان الو رأي وشكرا كتير الك مرة تانية نورتنا

عاااااشقة الامل شكرا كتيييييييييير عالتعليق يلي ما بيدل انك عم تحكي عن المجتمع الواعي بس وبيدل على وعيك انت كمان شكرا كتير مرة تانية

على فكرة عمي خالدوو ردك ما عجبني بنوب :مو تمام:

MAYA كتب:: شكرا كتير اخ خالد على مرورك الكريم وتعليقك بس كمان اجابتك تدل على انك واحد من المجتمع الشرقي البحت يلي نحنا عايشين فيه بما معناه كلامك مااختلف ابدا عن يلي ذكرتو انا و مو بالضرورة اذا كانت البنت عندها علاقة مع اكتر من شب انها تكون عاهرة كما ذكرت انت ممكن انها لم تجد الشخص المناسب فاضرطت انها تبحث عن واحد تاني برايي انا في ظلم بمجتمعنا و الشب عندو حقوق وحريات اكتر من البنت .....ما بعرف بالنهاية كل انسان الو رأي وشكرا كتير الك مرة تانية نورتنا

الجواب إلك ولغيرك.. هاد اللي حكيتو ما بدل على رأيي أنما تفسير عن وضع المجتمع اللي نحنا عايشين فيه
بالنسبة لرأيي أنا سأقول لك رأيي :
المفروض من الشاب أن لا يكون نسونجي أو يعرف أكثر من فتاة ولا يتعرف على الفتاة إلا فترة الخطبة أو إذا أعجب فيها سواء في العمل أو الدراسة أو اي مكان آخر في شرع الله وحدوده فلا مانع من ذلك
وهنا.. الفتاة أيضا عليها أن تلتزم خلقها ودينها وجمال الفتاة بحيائها ليس بأن تكلم هذا وهذا ..
سأطرح لك مثالا واقعيا ولربما أخوك أو عمك أو خالك أو أحد معارفك وقع بهذه الحالة
أحب ثم كلمها وجلس معها ووعدها بالزواج وعندما رآها تكلمه فكر قليلا وقال : هذه التي تكلمني لربما تكلمت مع أحد غيري.. من ثم يعود إلى الزواج التقليدي .. المعروف في مجتمعنا
وصدقيني أني حاولت أكثر من مرة وأحببت فتيات ولكن للأسف كان كله فاشل .. وفي نهاية الأمر لم أتزوج إلى عن طريق الزواج التقليدي ..
تحياتي
وما يروح فكرك لبعيد مرة ثانية سالا خانم

بصراحة هاد نقاش ما لو نهاية كل بنت منا بتعتقد انو المجتمع ظالمها كذلك كل شب بيفكر انو المجتمع مو عاطي الحرية اللي بيحلم فبها

لهيك انا بشوف انو النقاش عقيم
كل شب بالنهاية بيتجوز عن طريق الخطبة التقليدية والبنت نفس الشي
ولا بيعرفوا شي عن ماضي بعض ولا بدون يعرفوا
والشب مفكر البنت قطة مغمضة والبنت شايفة الشب ملاك منزل
ممكن صح والاتنين طاهرين قعلا
وممكن الاتنين عكس ذلك
بس صدقوني الطيور على اشكالها تقع
والطيبون للطيبات هاد شي اكيد وانا مأمنة بهالشي ...........وعفوا طولت عليكم

شكرا كتير اخ خالد و انا معك كلام سليم ولساتو فكري مكانو ما رحا لبعيد .

نووووووور شكرا ياصاحبتي و انت كمان كلامك سليم لك بتعرفيه ليش انا بحبك لأنك انت اكتر وحدة فهمانة شو قصدي سلام

مايا خجلتيني الله يديم المحبة kiss

انشاء الله بتدوم

شكرا مايا لطرحك مثل هذا الموضوع
على الرغم احنا عايشين بمجتمع شرقي وله تاثير على قراراتنا بشكل فعال بس المفروض الشاب او البنت ينتبهون الى الماضي لان الشاب مثل البنت ماضيو اذا كان نسونجي فهذا عيب مثل ماهو عيب على البنت هذه وجهة نظري لكن المشكلة انه كثير من البنات من واحد ينتقد احد الشباب قدامها على انه هذا الشاب نسونجي ما تقبل هذا الكلام وتتصور انه هو هذا الشاب الي يعرف يكسب اي بنت باسلوبه كانما هذا الشي ميزة له لا عليه . وانا مع كلام الاخ خالد من قال (الفتاة أيضا عليها أن تلتزم خلقها ودينها وجمال الفتاة بحيائها ليس بأن تكلم هذا وهذا ..)
واضيف على الشاب ايضا ان يلتزم دينه وخلقه ومن يحب يحب لغرض الزواج مو لغرض الفشخرة امام اصدقائه لان هذا التصرف عيب اكبر .
يعني باختصار الماضي هو ماضي بالنسبة للشب او البنت ما يفرق شئ والاهم الاعتراف بالحقيقة وما نخبي اي شئ لان الصراحة هي اساس السعادة بالزواج
وشكرا

لورانس العراق شكرا كتير على تعليقك و متل ما قلت انت اهم شي الاعترف بالحقيقة و الصراحة