درس الحياة

السـلام عليكم ورحمة الله وبركاته

***

نعيش في هذه الحياة ونمضي في دروبها

ونسعى في طرقاتها ..

ونتوقف في محطاتها ..

وفي سيرنا هذا نصادف من العبر والدروس الشي الكثير ..

نعم نصادف ونعايش

ونتألم ونتعلم ..

ونظل نمضي لنصادف من جديد ونتعلم من مدرسة الحياة

(( الحياة ))

"
"
"
"

أكبر مدرسه.. وأفضل مدرسه..

والذي لم يتعلم فستعلمه الحياة أعظم الدروس وأكبرها..

حياتنا تكون صعبه في أحيان كثيره .. ونضعف لمواجهتها
ظروفنا تكون أقوى من أن نتحملها..
صدماتنا أكبر من ان نستوعبها..

وهذا مايحدث مع الجميع وهذا واقعنا الذي لامفر لنا منه..

دائماً مانقوي أنفسنا للمواجهه.. منا من ينفع معه ومنا من لاينفع معه أبداً
فربما يكون يئسه يسيطر عليه بشكل كبير.. وهذا يضعف من قدرة المواجهه الكبيره لديه..

(((( مـــــــــــاهو أكبر درس لقنته لك الحياة ))))

الكثير منا يتعظ من مواقف تحصل له دائماً .. مع أي كائن يكون..

ماموقفك من هذي المواقف التي قد تكون مؤلمه وقد تكون نتيجتها سلبيه عليك أنت ؟!!

بإنتظار عطر ردودكم وشذى أقلامكم

والله موضوع في غاية الأهمية الدروس اللي تعلمناها بالحياة كثيرة وبصراحة يعني مافي شي معين .. بس احدهم واللي هلأ ببالي هو حط اصبعتك بعينك مثل ما بتجعك بتجع غيرك وهاد المثل بحس أنو الواحد قبل ما يعمل أي شي لازم يفكر بهذا المثل ولازم يحط حالو بنفس الموقف
وفهمك كفاية

Things are not always, as we want, but we can shape it again...

وانا كمان ومتل ما قال شاعر الأحاسيس بطبّق هاد المتل كتير ودايماً بطلب من ربي اني كون قادرة انو أعمل فيه دايماً.
وبمكن كل ما تقدم فينا العمر منتعلم كتير من الدروس اللي ما علمونا ياها أهالينا بس بتمنى انو الدروس ما تكون كتير قاسية لدرجة ما نقدر نتحملها.
وشكراً كتير على الموضوع

الله يرحم أهل الأمثال ما خلو شيئ ما قالوه

الأقارب كالعقارب في أذاها × فلا تفرح بعم أو بخال
فكم عم يجيئ الهم منه × وكم خال من الإحسان خال

قرايبك لا تقربهم × بيقرصك عقربهم

عاشر أصيلا ً إذا جار الزمان يجود

مافي زمانك من ترجو مودته × ولا خلا ً إذا جار الزمان وفا

معك حق أخي خالد المتل اللي قلتو كتير مهم
حروفك نورت صفحتي شكرا
مايا : ya we can shape it again
thanx
likemoon : معك حق ما خلو شي ما قالوا شكرا مرورك شرفني

حياتنا تكون صعبه في أحيان كثيره .. ونضعف لمواجهتها
ظروفنا تكون أقوى من أن نتحملها..
صدماتنا أكبر من ان نستوعبها..

يعني بصراحة في هاد الموضوع بقدر اقول لكم اني فعلا مريت بموقف صعب جدا جدا وما زال الا انه لم يعد يؤثر بي كما كان من قبل وبدي قول اني تعلمت من هالتجربه المخيفة الي مريت فيها عده امور :
اول شي تعلمت اني ما اثق بأي انسان حتى لو بدي احكي سر في حياتي فبفضل اني قولة للورق وامزقه مع هبوب الرياح هذة احسن طريقة بالنسبة لي يمكن رح تعترضوا على الكلام الي بقولة بس انا من تجربتي بقول هي افضل طريقة عشان ما اوقع بالمشاكل يعني بمعنى اخر لا تخليه قريب كتير ولا تبعد عنه كتير الوسطيه في تعاملك مع اي انسان كان .
تاني شي تعلمت اني ما حب كتير ولا اكره كتير دائما اترك خط رجعة لالي يعني مثل ما بيقول المثل ( احبب بغيضك شيئا ما عسا ان يكون حبيبك يوما ما وابغض حبيبك شيئا ما عسا ان يكون بغيضك يوما ما ) لانو لو حبيت بدون ما تعمل خط رجعة رح تلاقي ادامك طريق مسدود بيسببلك دمار داخلي صعب تمحيه الايام
ثالث شي تعلمت انو ما انظر للحياه بمأساتها وهمومها ولا بمتاعها الي ما بقدر اوصل له بل بنظر للدنيا من منظور اني عايشة والحمدلله بصحة جيدة وقوية وفي ناس قريبين لي بحبهم وبكلمهم وبضحك معهم فبقول هي احلى عيشة ما بدي اشياء مستحيلة لاني رح انسى ايامي الجميلة ورح ضيع عمري على احلام واشياء زائفة ما رح تعمل شي لاخرتي يعني بمنظور اخر عيش يومك وانسى همومك
اسفة للتأخير بالحديث بس حبيت اني اعرضلكم ما علمتني الحياه

الله يعطيكي العافية كلامك جامع لكتير شغلات وبمعظما معك حق شكرا لمرورك
نورتي الصفحة بحروفك