جاوبني وبصراحة بمعيتك ..

مالذي يشدك للتواجد في المنتدى ؟
احس اني بعائلتي الثانية
أيهما يلفت انتباهك أكثر ؟ عنوان الموضوع ؟ أم صاحبه ؟
العنوان
: لماذا يتجاهل البعض الردود على مواضيع الأعضاء الجدد ؟! ولا تقولوا مافي تجاهل !! لأ في... وعندي أدلة...
الله اعلم
ما شعورك أيها العضو الجديد ..عندما ترى رداً على موضوع في القسم الذي كتبت فيه...وموضوعك كان مصيره ( طنش تعش ) !!!!!!!
اكيد اذا كان فيه رد بيسعدني
اما اذا لم يوجد يمكن ازعل

ما رأيك بالشللية التي تسود بعض المنتديات ؟؟!! هل تحب أن تبقى في إطار هذه الشللية لأنك تعرفهم...ولا تعرف غيرهم ؟؟!!

لاتعجبني ابداً
لاطبعاً احب الحرية يعني انا موبضاعة لانحكر ولاعصفور لانسجن
: ما أكثر موضوع أعجبك في المنتدى ولماذا ؟
الكثير من الصعب ان احدد
من هو المشرف المثالي في رأيك ؟ والعضو المشاغب ؟ أكيد مو أنا
بدون غرور انا
المشاغب
هل تحب أن يُرد على موضوعك بـ ( شكراً لكَ....يعطيك العافية ...جزاك الله خيراً...)
بالتاكيد حتى لومجرد مشاركة بسيطة


لماذا تكتب في المنتدى ؟!! ولمن تكتب ؟!!
لاني احب المشاركة
اكتب للجميع

شكراً على الاسئلة Admin

اقتباس :

شكراً على الاسئلة Admin

شكرا لمرورك أختي ولا أحلى .. وأحيي فيكي صراحتك ,,
كما أشكرك على كل ما قدمتيه للمنتدى .. جزاك الله عنا كل خير

مايا .. يسعدلي أوقاتك

اقتباس :

مابعرف.

تلك هي نصف الإجابة وانتي كررتيها أكثر من مرة

اقتباس :

س6: ما رأيك بالشللية التي تسود بعض المنتديات ؟؟!! هل تحب أن تبقى في إطار هذه الشللية لأنك تعرفهم...ولا تعرف غيرهم ؟؟!!
هي ما فهمتا .شو يعني؟

يعني الشلة أو المجموعة وطبعا هالشي عنا بالمنتدى مافي مجموعات لسه بس بتقدري تقولي مجموعة المشرفين .. بس السؤال بالنسبة للمنتديات التانية هل كنتي مع شلة معينة أو مجموعة؟

اقتباس :

هون حطنا الجمال لا ما بحب حدا يرد عالموضوع هيك( صحيح برد هيك احيانا بس لانو الكل هيك بيردو و اذا قلت غير هيك بحس عم احخكي مع حالي)و لانو ما بيعود فيه روح المناقشة يعني متل كانو الواحد عم يقلك ايه خلص فهمناحاجة اسكت بقا و في كتير مواضيع حاولت انا بردي يكون في نقاش بس للاسف ما حدا بيرد و كتير اسئلةسألتهامنم خلال الرد بس للأسف لا حخياة لمن تنادي و على فكرة اذا ملا حظين غياب نور فهو عنجد لانها متدايقة من طريقة الرد هي و غياب روح النقاش و اذا بدنا نبقى هيك كتير ناس بدها تلحق نور و اولون انا.

والله معك حق ومعاها حق نورا الحوارات بالأيام الأخيرة عمتغيب صايرة والمنتدى هو عالم مشان يطرح الواحد في أفكارو ليس فقط الاقتباس وغطت أمور النسخ واللصق ووصلت بنا الأمور في منتدانا إلى أننا قمنا بنقل المواضيع وبعض الأخوة ينقل المواضيع الأدبية من دون أن يحدد مصدرها وبذلك يكون قد نسبها إلى نفسه.
رأيك في محله أختي مايا ولكن هذا الشي ليس بشكل عام على الأعضاء جميعا فهناك بعض الأعضاء وطبعا لا اعتبر نفسي منهم يستحقون الاحترام من خلال ردودهم ومشاركاتهم الغنية والمفيدة وآرائهم التي نضعها في الحسبان دائما ومن دون ذكر أسماء ..
أتمنى من جميع الأخوة من هنا وأعتبر هذا الموضوع استبيان عام من أجل معرفة كل عضو وتفكيره في المنتدىمن خلال الإجابة على هذه الأسئلة وبكل صراحة .
أشكرك أختي الكريمة مايا ودمتي بخير .. في أمان الله

س1: مالذي يشدك للتواجد في المنتدى ؟

بصراحة ... المواضيع الحلوة اللي عم تنطرح فيه.. ^_^

س2: أيهما يلفت انتباهك أكثر ؟ عنوان الموضوع ؟ أم صاحبه ؟

الاتنين

س3: لماذا يتجاهل البعض الردود على مواضيع الأعضاء الجدد ؟! ولا تقولوا مافي تجاهل !! لأ في... وعندي أدلة...

انا بالنسبة الي ما بتفرق عندي سواء كان العضو جديد ولا قديم ... المهم الموضوع اللي حاطو حلو ولا لأ..

س4: ما شعورك أيها العضو الجديد ..عندما ترى رداً على موضوع في القسم الذي كتبت فيه...وموضوعك كان مصيره ( طنش تعش ) !!!!!!!

هو ما بعرف اذا أنا اعتبر جديدة ؟؟؟ بس انا لما بكون بهيك موقف بنزعج كتير

س 5: لو أسندت إليك مهمة المشرف العام ...ما أهم عمل تقوم به ؟!!

رح أعمل شريط.... ما بعرف شو بيسمو .. بس هو شريط بيكتبو فيه الاعضاء تعليقات .. وسلامات .. يعني هو متل الsms

س6: ما رأيك بالشللية التي تسود بعض المنتديات ؟؟!! هل تحب أن تبقى في إطار هذه الشللية لأنك تعرفهم...ولا تعرف غيرهم ؟؟!!

انا ما بحب الشلية .. بحب الكل يكونو مع بعض ...


س7: ما أكثر موضوع أعجبك في المنتدى ولماذا ؟

كتيررررررررر مواضيع ومافي واحد محدد...

س8: من هو المشرف المثالي في رأيك ؟ والعضو المشاغب ؟ أكيد مو أنا

دكتور الغرام .

س9: هل تحب أن يُرد على موضوعك بـ ( شكراً لكَ....يعطيك العافية ...جزاك الله خيراً...)

مو دايما .. لانو هالاجوبة .. بصراحة .. في اغلب الاحيان لما بشوف موضوع طويل وما لي خلق اقراه .. بكتب الله يعطيك العافية .. او شكرا ...

خلاص هاي آخر سؤال :


س10 : لماذا تكتب في المنتدى ؟!! ولمن تكتب ؟!!

انا كتبت كم شغلة ونزلتون بالمنتدى ... واظن انو بيبين منون لمين عم أكتب...

الأخت الراقية فينوس .. سلامات

اقتباس :

رح أعمل شريط.... ما بعرف شو بيسمو .. بس هو شريط بيكتبو فيه الاعضاء تعليقات .. وسلامات .. يعني هو متل الsms

فكرة جميلة أختي فينوس وقد كنت قبل ذلك واضعا لهذه الخدمة ولكن حدث عطل في السيرفر الخاص بالموقع المخدم ولم أعود إلى وضعها مرة أخرى ولكن سمعا وطاعة سوف أقوم في الأيام القادمة بوضع هذه الخدمة مرة أخرى (تكرم عينك)

شكرا لمرورك أختي الكريمة .. ويعطيكي ألف عافية

س1: مالذي يشدك للتواجد في المنتدى ؟

بصراحه هادا اول منتدى بشترك فيه



س2: أيهما يلفت انتباهك أكثر ؟ عنوان الموضوع ؟ أم صاحبه ؟

انا بهتم اكتر بالعنوان ، مين ما يكون صاحبه مش مهم ، بس المهم الفائده من الموضوع



س3: لماذا يتجاهل البعض الردود على مواضيع الأعضاء الجدد ؟

انا شخصيا بهتم في الكل



س4: ما شعورك أيها العضو الجديد ..عندما ترى رداً على موضوع في القسم الذي كتبت فيه...وموضوعك كان مصيره (

انا اول ما شاركت في المنتدى لقيت انو في تطنيش كتير بس هلاء اهون من اول



س 5: لو أسندت إليك مهمة المشرف العام ...ما أهم عمل تقوم به ؟!!

ما بعرف



س6: ما رأيك بالشللية التي تسود بعض المنتديات ؟؟!! هل تحب أن تبقى في إطار هذه الشللية لأنك تعرفهم...ولا تعرف غيرهم ؟؟!!

بصراحه بلاقي في شله في المنتدى كتير بيهتمو يعلقو لبعض وبنسو الباقي ( بدون ذكر اسماء)



س9: هل تحب أن يُرد على موضوعك بـ ( شكراً لكَ....يعطيك العافية ...جزاك الله خيراً..

مو حلوين دايما هالردود ، بس الاحلى انو تحكي شو رأيك في الموضوع بكل صراحه



س10 : لماذا تكتب في المنتدى ؟!! ولمن تكتب ؟!!

بكتب لاني بحب المنتدى كتير ، ما بكتب لحد معين

أخي الكريم شاعر الرومنسية .. تحية طيبة

اقتباس :

وبالنهاية بشكر المدير على طرح الموضوع الأكثر من رائع واللي بيعبر عن راي الاعضاء الدقيق والصريح للمنتدى بمايشمله من اعضاء ومشرفين وحتى زوار
وبعتذر على الاطالة بس هذا بعد ما اختصرت العديد من الكلمات
لاني شو ما حكيت بيضل قليل بيحقكم جميعا
تقبلوا مني احلى التحيات :
شاعر الرومانسية

أشكرك أنا أيضا على مرورك الكريم والذي أغنى الموضوع بكثير من الآراء والأفكار التي تدل على رقي تفكير صاحبها والسمو بالمنتدى إلى أعلى الدرجات
وأشكرك على مديح الموقع والذي نعتبره وسام والمنتدى الذي هو منكم وإليكم

والسلام عليكم

اقتباس :

بكتب لاني بحب المنتدى كتير ، ما بكتب لحد معين

الأخت الراقية ساندرا..
أسعد الله أوقاتك .. أشكرك على مرورك الكريم علىالموضوع وعلى أجوبتك الراقية
ودمتي بخير

العفوووووووووو خالد .. واله فرحتني بهالشغلة .... ويسلموووووووووو... ^_^

س1: مالذي يشدك للتواجد في المنتدى ؟
انا مشتركة باكثر من منتدى بس ما عمري علقت او حطيت مواضيع كان اشتراكي بس لمجرد القراءة واستخراج ما يلزمني لعملي
ويلي شدني بهاد المنتدى انت بتعرف ليش لاني طلبت منك تعطيني الربط عشان اشترك بالمنتدى لاني عرفت انو المنتدى لك انت خالد يعني بالمختصر يلي شدني معرفتي فيك وفي ابن خالتك ادم


س2: أيهما يلفت انتباهك أكثر ؟ عنوان الموضوع ؟ أم صاحبه ؟
بيلفت نظري طبعا اسم الموضوع لكن على الاغلب لا اهتم لاسم الموضوع فانا احب تصفح المنتدى بشكل عام وقراءة جميع مواضيعة لاني احب قراءة اي شيء وبالنسبة لصاحب الموضوع فهو شيء لا انتبه له بالعادة الا عندما اكون اريد ان اضع تعليق على الموضوع وطبعا اسم الشخص لا يهمني سوى انه يعطيني انتباه لمدى نشاط ذلك العضو ومدى حضورة في المواضيع والردود

س3: لماذا يتجاهل البعض الردود على مواضيع الأعضاء الجدد ؟! ولا تقولوا مافي تجاهل !! لأ في... وعندي أدلة...
انا من النوعية يلي ما بهتم بالعضو اذا كان جديد او قديم فاي شخص موجود في المنتدى هو واحد من اسرتنا وكلهم اصدقاء وبالعكس يعني عم لاقي انو الاعضاء الجدد كتير متحمسين لاعطاء الافضل

س4: ما شعورك أيها العضو الجديد ..عندما ترى رداً على موضوع في القسم الذي كتبت فيه...وموضوعك كان مصيره ( طنش تعش ) !!!!!!!

انا بصراحة كتير بتدايق وبغار لما شوف انو مواضيعي ردودها قليلة بينما مواضيع تانية مليئة بالردود يمكن هاد االشي خلاني ما اشارك كتير بوضع مواضيع فاغلب مشاركاتي بالمنتدى هي مجرد ردود والسبب الصراحة يعود لقلة الردود او الطناش الكامل على الموضوع لانه عندي تقريبا اربع موضيع لم يضع احد تعليقه عليها


س 5: لو أسندت إليك مهمة المشرف العام ...ما أهم عمل تقوم به ؟!!

لو انا المشرف العام رح اكرس وقت اكبر لقضاءة داخل المنتدى لكي اتمكن من ارضاء الجميع واحساسهم باني بجانبهم دائما بدون اي تمييز

س6: ما رأيك بالشللية التي تسود بعض المنتديات ؟؟!! هل تحب أن تبقى في إطار هذه الشللية لأنك تعرفهم...ولا تعرف غيرهم ؟؟!!
لا ما بحب الشلة انا بحب اكون محبوبة لدى الجميع واتعامل مع جميع الاعضاء بالمثل وبصراحة بلاقي انو في مجموعة عنا بالمنتدى اصفها بالشلة لتواجدهم دائما في نفس المواضيع تعليقاتهم متلاحقة واحد تلو الاخر كانهم مربوطين ببعضهم بينما لا يظهرون عند مواضيع اشخاص معينة ولا اريد ذكر اسماء فهو شيء يعود لهم


س7: ما أكثر موضوع أعجبك في المنتدى ولماذا ؟
بصراحة اكثر مواضيع تعجبني بالمنتدى ويمكن هية يلي خلتني اتعلق بالمنتدى هية القصص التي تتكلم عن مصيرنا عند الموت والتي تحث على الصلاة وعن القبور وهذة القصص لانها فعلا تقوي الوازع الديني فينا وتضع في نفسنا الخوف من نهايتنا لدرجة انها هالمواضيع ما بنساها وبضل افكر فيها وفعلا غيرت فيني اشياء كتير


س8: من هو المشرف المثالي في رأيك ؟ والعضو المشاغب ؟ أكيد مو أنا
المشرف المثالي بلاقية العقيد لاني بحس انو ما في عنده تمييز بين الاعضاء ويتعامل بطريقة المساواة
والعضو المشاغب في المنتدى : انا ما بسميه مشاغب لكن بقول عنه انو الشخص يلي حسيت انو عمل جو جميل في المنتدى وحركه بطريقة رائعة الاخ دكتور الغرام

س9: هل تحب أن يُرد على موضوعك بـ ( شكراً لكَ....يعطيك العافية ...جزاك الله خيراً...)

احيانا كلمة جزاك الله كل خير تدل على معنى رائع عندما يكون هذا الرد في القسم الديني او قسم يحذرنا من شيء معين لذلك فانا احب ان اجد هذا التعليق اما بالنسبة لكلمة شكرا لك ... ويعطيك العافية فبحس انو فيهم برود وبحس انو الشخص ما اعجب بالموضوع كتير بس على الاغلب بحب يكون الرد حوار لان هناك بعض المواضيع التي تحتاج الى نقاش فاستغرب من الاشخاص الذين يكتبون العبارات السابقة لمجرد قولهم نحن قد مررنا على موضوعك وبصراحة كتير في اسئلة بسألها او تعليق بكتبه على موضوع معين بهدف الاجابة لكني لا اجد غير الطناششششششش
وبصراحة اخي خالد انت اكثر واحد بيطنشني على ردودي مع انو ردي ما بدو كلمة شكرا لمرورك ... ردي بحاجة لرد اخر منك تجيب فيه على سؤالي


س10 : لماذا تكتب في المنتدى ؟!! ولمن تكتب ؟!!
انا بكتب لنفسي لاني لما كون جالسة على جهازي بكون حاسة انو كل شيء في النت ملكي انا فلما اكتب او اعلق او اقرأ بيكون كل شيء ارضاء لنفسي انا

وبالنهاية بشكرك اخي خالد على طرح هاد الموضوع لانك خليتني قول اشياء كتير كنت ارغب في قولها من زمان
وبدي قلك انو ياريت لما نكتب رد الاقي اجابة لانه اكثر شيء بيدايقني بالمنتدى

س1: مالذي يشدك للتواجد في المنتدى ؟

والله أنت يا أبو الخل

س2: أيهما يلفت انتباهك أكثر ؟ عنوان الموضوع ؟ أم صاحبه ؟

أنا كل المواضيع برد عليها
س3: لماذا يتجاهل البعض الردود على مواضيع الأعضاء الجدد ؟! ولا تقولوا مافي تجاهل !! لأ في... وعندي أدلة...

ما بعرف
س4: ما شعورك أيها العضو الجديد ..عندما ترى رداً على موضوع في القسم الذي كتبت فيه...وموضوعك كان مصيره ( طنش تعش ) !!!!!!!
ماني جديد


س 5: لو أسندت إليك مهمة المشرف العام ...ما أهم عمل تقوم به ؟!!

بطردك من المنتدى

س6: ما رأيك بالشللية التي تسود بعض المنتديات ؟؟!! هل تحب أن تبقى في إطار هذه الشللية لأنك تعرفهم...ولا تعرف غيرهم ؟؟!!
حلوة ومو حلوة


س7: ما أكثر موضوع أعجبك في المنتدى ولماذا ؟

ما في شي ببالي هلأ بس أكثر شي مواضيع الضحك والترفية لأنو بتنسينا الغربة

س8: من هو المشرف المثالي في رأيك ؟ والعضو المشاغب ؟ أكيد مو أنا
أنا وأنا

س9: هل تحب أن يُرد على موضوعك بـ ( شكراً لكَ....يعطيك العافية ...جزاك الله خيراً...)

كلو مثل بعضو

خلاص هاي آخر سؤال :


س10 : لماذا تكتب في المنتدى ؟!! ولمن تكتب ؟!!

والله مثل ما قلتلك من معزتك يا أبو الخل

اقتباس :

انا مشتركة باكثر من منتدى بس ما عمري علقت او حطيت مواضيع كان اشتراكي بس لمجرد القراءة واستخراج ما يلزمني لعملي
ويلي شدني بهاد المنتدى انت بتعرف ليش لاني طلبت منك تعطيني الربط عشان اشترك بالمنتدى لاني عرفت انو المنتدى لك انت خالد يعني بالمختصر يلي شدني معرفتي فيك وفي ابن خالتك ادم

هاد شرف كبير النا أختي سالا انضمامك للمنتدى أهلا وسهلا فيكي

اقتباس :

لو انا المشرف العام رح اكرس وقت اكبر لقضاءة داخل المنتدى لكي اتمكن من ارضاء الجميع واحساسهم باني بجانبهم دائما بدون اي تمييز

هاد دليل على قلبك الكبير وفكرك الواسع

اقتباس :

وبصراحة اخي خالد انت اكثر واحد بيطنشني على ردودي مع انو ردي ما بدو كلمة شكرا لمرورك ... ردي بحاجة لرد اخر منك تجيب فيه على سؤالي

توقعت أختي سلاا أنو يصير عتابات كثير كبيرة منك ومن الأعضاء ولكن كانت ظروف عملي لا تسمح لي بالدخول إلى المنتدى بشكل جيد وأنا متأكد أنه قد حصل تقصير وفي بعض الأحيان عندي في المنزل يفصل الانترنت وبعد ماكون فاتح الردود على المواضيع الجديدة وبالتالي لا يظهر لدي ما هي الردود الجديدة وفهمك كفاية بأى حقك علي وإن شاء الله ما بعود بيتكرر هيك تقصير بحقك وبحق الأعضاء

اقتباس :

وبالنهاية بشكرك اخي خالد على طرح هاد الموضوع لانك خليتني قول اشياء كتير كنت ارغب في قولها من زمان
وبدي قلك انو ياريت لما نكتب رد الاقي اجابة لانه اكثر شيء بيدايقني بالمنتدى

ما بزيد شي من اللي قلتو فوق غير أني بوعدك أنو التقصير اللي كان مني ما يتكرر ومعك حق بكل حرف قلتي
وبشكرك كثير على صراحتك ومرورك اللي بعتز فيه وبعتز بمعرفتي إلك وشكرا إلك على حسن الكتابة وحسن الاستماع وحسن التعبير ..
أخوك خالد

اقتباس :

والله أنت يا أبو الخل

الله يسعدو عمي جواد

اقتباس :

بطردك من المنتدى

بعرفك عواطلي وبتعملها

علىكل الأحوال بشكرك لمرورك الجميل عمي جواد

س1: مالذي يشدك للتواجد في المنتدى ؟
كنت انشد اكتر للتواجد والسبب هو اأعضاء أما هلأ بصراحة مليت بسبب حياديتهم الزايدة وبرودهم اذا مو الكل 99%



س2: أيهما يلفت انتباهك أكثر ؟ عنوان الموضوع ؟ أم صاحبه ؟
عنوان الموضوع


س3: لماذا يتجاهل البعض الردود على مواضيع الأعضاء الجدد ؟! ولا تقولوا مافي تجاهل !! لأ في... وعندي أدلة...
مو بس مواضيع الأعضاء الجدد غالبا في تجاهل ..........مابعرف شو السبب ....وبعتقد هاد استهزاء بالموضوع وكاتب الموضوع


س4: ما شعورك أيها العضو الجديد ..عندما ترى رداً على موضوع في القسم الذي كتبت فيه...وموضوعك كان مصيره ( طنش تعش ) !!!!!!!

تعوووووووووووووووووووووووووودنا



س 5: لو أسندت إليك مهمة المشرف العام ...ما أهم عمل تقوم به ؟!!
كتير شغلات والبركة بخالد بيك




س6: ما رأيك بالشللية التي تسود بعض المنتديات ؟؟!! هل تحب أن تبقى في إطار هذه الشللية لأنك تعرفهم...ولا تعرف غيرهم ؟؟!!

لا بالعكس بحب تكبر العيلة وتحلا



س7: ما أكثر موضوع أعجبك في المنتدى ولماذا ؟

كتير بحب الحوارات بس عم يكون حوارحار جدااااااااا



س8: من هو المشرف المثالي في رأيك ؟ والعضو المشاغب ؟ أكيد مو أنا

؟؟؟؟؟؟؟؟؟؟؟؟؟هلأ لا اجابة بس بجاوب بعدين بس بظن المشاغب العقيد


س9: هل تحب أن يُرد على موضوعك بـ ( شكراً لكَ....يعطيك العافية ...جزاك الله خيراً...)

يالطيف شو بحب هالجواب

والله كتير أعضاء اذا مو الغالبية مابيقروا الموضوع وبيجاوبو هيك والله بتمنا يقلولو الموضوع كتيييييييييييييييييييير بايخ أحلى من التعليقات اللي ذكرتها ختى اللي بيجاوبو معروفين ومعدودييييييييين





خلاص هاي آخر سؤال :


س10 : لماذا تكتب في المنتدى ؟!! ولمن تكتب ؟؟؟؟؟؟!!

بحب فيد واستفيد وعبي وقت فراغي بشي مفيد
بكتب لكل مهتم بس

عزيزتي نورا
لاتأخدي الامور بحساسية مفرطة
أكيد وجودك بيهمنا كثير من غير مجاملة
ويمكن مايكون فيه رد على الموضوع لاسباب ثانية غير التجاهل
عودي كما كنت في سابق عهدك وانيري المنتدى بمواضيعك
وشكراً على صراحتك ووضوحك
frind

ولا أحلى شكرا الك كتيييير والله مو حساسية بس يعني حاسة انو هالشي زاد عن حدو .......وشكرا مرة تانية




أخي خالد :القصة امو انو منتظرة الرد بس عالأقل الاهتمام أنا بس يمكن حبيت الجو وتعلقت فيه وهاد سبب زعلي وعتبي بس والله شي بيجنن تشوف الموضوع مقروء شي 50مرة وبالأخير تعليق او تنين مو؟؟؟؟؟؟؟؟؟؟؟؟

عكل شكر الك ولاهتمامك وتحياتي وسلاماتي لكل الأعضاء

اقتباس :

أخي خالد :القصة امو انو منتظرة الرد بس عالأقل الاهتمام أنا بس يمكن حبيت الجو وتعلقت فيه وهاد سبب زعلي وعتبي بس والله شي بيجنن تشوف الموضوع مقروء شي 50مرة وبالأخير تعليق او تنين مو؟؟؟؟؟؟؟؟؟؟؟؟

عكل شكر الك ولاهتمامك وتحياتي وسلاماتي لكل الأعضاء

إي أهلين وسهلين
بس هالمرة مو بقطعة ها بنزعل بعدين