الصبايا والدخان ...

مرحبا
اليوم سمعت رأي أحد الشباب بوحدة من الصبايا اللي عم يدرسو معنا... واستغربت كتير لما سمعت رأيو...يعني رأيو كان سلبي كتير كتير... والسبب بس أنو البنت بتدخن... يعني معقول نحكم ع بنت وع أخلاقها بمجرد أنو شفناها عم بتدخن؟؟؟؟
فوقفت عندها طويلا مما جعلني افكر في طرح هذا الموضوع عليكم و اتمنى ان نناقشه بموضوعية شديدة
نلاحظ في هذه الأيام ان نسبة المدخنات في ازدياد مستمر وواضح..منها ماهو علانية امام الجميع ومنه ما يبقى في الخفاء و الأسباب اجتماعية بحتة (يعني ممكن هون نغض النظر شوية عن الأضرار و الأمراض اللي بسببها التدخين و اللي أغلبنا سمع و قرأ عنها الكثير و الكثير )

كثيرا ما تسائلت لماذا يحكم مجتمعنا على المدخنة (الصبية خصوصا) حكم سلبي جدا و يكون مخففا قليلا لو كان التدخين بطريقة الشيشة
حابة اعرف وجة نظركم بالموضوع
شو رأيكم بالصبية المدخنة ؟؟
و طبعا مع ذكر الأسباب
اذا نالت اعجابك فتاة و كانت بتدخن بتستمر بالتعرف إليها؟؟؟
و لا بتنهي الموضوع (فرضا كان الموضوع يتعلق بالارتباط)؟؟
و اللي بحب يذكر نقاط جديدة ياااااااااريت و بتمنى المشاركة من الكل ...

أنا يعني بكره الدخان للشب فكيف للبنت في كتير ناس ارتباطن ما بيوقف عند هي النقطة يعني ما بهمن الأمر بالمقابل في ناس العكس تماما
هدا الموضوع كإنو لاشباب بيفيدوكي فيه أكتر
يسلم إيديكي

والله يا أختي حطيتي أيدك عالجرح
عندي كثيرات من أقربائي مدخنات وهاد الشيء وبكل صراحة ودون أي تردد وبنسبة تفوق الثمانين في المئة في مجتمعنا وعاداتنا وتقاليدنا بما أنها امرأة فهو شيء معيب جدا جدا جدا
لا أعلم من أين أبدأ في الحديث وأرد على الموضوع لأن الأمر الكلام فيه طويل جدا ولا ينتهي
سأترك الناحية الدينية والناحية الصحية وآتي إلى الناحية التي طرحتها أنتي
بالتأكيد أرفض رفضا باتا موضوع التدخين للفتاة
أناكنت من المدخنين وعافاني الله والحمد لله ويعود الفضل إلى الله تعالى ثم إلى زوجتي
أما بالنسبة للنارجيلة أو الشيشة فهي مضرة لا نختلف على ذلك ولكن دخلت إلى مجتمعنا وخصوصة النسائي بشكل كبيرة وهي مقبولة عند الجميع أكثر من الدخان لأن الذي يأرجل أو يشيش لن تصبح رائحته فائحة وأسنانه سود ورائحتها مقبولة جدا
هذا هو مجتمعنا العربي ... فلا حول ولا قوة إلا بالله

التدخين عادة كتير سيئة للفتاة من ناحية المظهر الاجتماعي
أنا بصراحة باستغر العالم اللي بيقبلو اأركيلة للبنت وبيحاربو الدخان لأنو برأي نفس الشي ولو انتشرت السيجارة بايد البنتا بمجتمعنا اكتر رح يتقبلوها الشباب صدقوني هيك نحنا البشر .......
أنا بصراحة بعرف شباب بيعشقوا السيجارة بايد البنت وبعر العكس
بقا هالشغلة نسبية
وبتختلف من شخص لأخر

شكرا خالد ونور ورنيم ع رايكون ... وعم بستنى اراء الباقين من الاعضاء... ^_^

آسفة كتير كتيركتير بس البنت كتير بتصغر من ايمتها وقت بتدخن بالجامعة أو بالكافيات سواء كانت أركيلة أو سيجارة ....

واللي بيقدر قيمة حالو رح يفرض عالناس احترامو وتقديرو

هاد رأي وأنا شخصيا مستحيل تكون رفيقتي بالجامعة انسانة مدخنة بالجامعةلأني رح خاف على سمعتي كبنت

ما بعرف شو بدي علّق وما بعرف ليش أغلب الآراء معارضة لهلموضوع مع أنو موضوع طبيعي هي عادة أكيد سيئة بس من الممكن أنو البنت تعتاد عليها متل ما بيعتاد عليها الشب ولازم أنو البنت والشاب يتخلصوا من هالعادة بأسرع وقت ممكن مشان الصحة والأمراض..........
من جهة تانية البنت اللي بتدخن ما بتكون ظاهرة غير حضارية إلا إذا كانت طريقة تعاملها مع الدخان غير لائقة متل ما أنها من الممكن أنها تتعامل مع أي شيء تاني بشكل غير لائق.
المهم يا جماعة أنو نحترم الأشخاص اللي حوالينا بغض النظر عن هواياتهن وممارساتهم اليومية وإنتماءاتهم
والنقطة الأهم أنو نحنا اعتدنا على شكل البنت وهي بتشرب شيشة بس الشيشة بتضر الصحة لسه أكتر من الدخان
وبالنهاية الله يهدينا كلنا
مشكورررة فينوس دايماً بتفتحيلنا باب للنقاش.
يعطيكي العافية

شكرا رنوش ع رايك .. وأهلا وسهلا فيكي معنا بالمنتدى.. ^_^

جواهر ... العفو حبيبتي .. ورايك كنير ع جبني ... ^_^

والله انا ما بدخن ولابحب ريحة الدخان وبتدايق منها كثيراً الا انني بشرب اركيلة وبحبها كتير
بصراحة طيبة

هههههههه فارس .. جيت لتكحلها عميتها .. هههههههه ... ^_^

بس ما عطيتنا رأيك بالبنت اللي بتدخن .. ^_^

ما قلتلك انا ما بحب الدخان ولا بحب حدا يدخن قدامي بس الشيشة (اركيلة ) والله طيبة وخاصة اذا كانت على عنب
بالنسبة للبنت بصراحة مولازم تدخن او تأركل ولاحلو منظرها وهي قاعدة بالكافي
اما المتزوجة مومشكلة ومعها زوجها يعني اذا كان جاية على بالها تدخن وزوجها بدخن ومو مانعها مافيها شي ونفس الشيئ اذا كانت على بالها تأركل وجوزها بأركل مافيها شي بتاخدلها كم شحطة منه مولازم الرجل والمرأة يكونوا متعاونين

شكرا فارس ع رأيك .... بس والله الركيلة باري انا ... ابشع من 100 سيجارة .... وانا لا بحب هي ولا بحب.. هي كمان .. ^_^

شو مالكم يا جماعة على هالقصة يعني بصراحة انا من البنات المدخنات بس ما بدخن في شارع او في كافي انا بدخن بس امام النساء يعني بين اخواتي خالاتي بنات خالي يعني ما بدخن بين رجال لانها شغلة ادب وكرامة وبالنسبة لي طريقتي ما تدايق حد لاني بعيدة عن الشبهات امام الشباب او الرجال اما بالنسبة للبنات يلي يدخنوا امام الرجال فأكيد بعتبر هالشي وقاحة من البنت وقلة ادب يسلمو على الموضوع وياريت تكون اجاباتكم خفيفة شوي عشان ما ازعل