عادات سورية جديدة

عادات سورية جديدة

إذا صار عندنا عرس .... بنزمر

إذا نجحلنا حدا بالبكالوريا ....... بنزمر

قبل ما تفتح الإشارة الضوئية ... بنزمر

بعد ما تفتح الإشارة ......كمان بنزمر

على الدوار وعلى الكوربة على النزلة على الطلعة .... كمان بنزمر

إذا طول علينا الشرطي وهو موقفنا .... مشان نذكره بنزمر

أما إذا حد كسر علينا بالغلط أو بالقصد ..... أكيد بنزمر

أما اللي بتوقف سيارته قدامنا عطلانه ....... مو مشكلتنا بنزمر

إذا طالعين من شارع فرعي لرئيسي بالليل أو بالنهار ......بنزمر

ويا عيني على سيارة الغاز ..... فاضي مليانة بنزمر

وإذا عجبتنا بنت ماشية بالشارع اوووووووووووووووه بنزمررررررر

وإذا شفنا أبو فلان بالشارع وحبينا نقله مرحبا .............. بنزمر

ولو قرر واحد منا يخفف مشان يمرر أحد المشاه .... كل اللي وراه بيزمر

ويا حبيبي إذا فاز أحد المعجبين فيه أو فيها بالسوبر ستار أو ستار أكاديمي......بنطلع كلنا وبنزمر

وطبعا" اذا فاز المنتخب بنطلع ......... بنزمر

لا أظن إنها ظاهرة اليس كذلك ؟!!!!!!

لكن المفارقة هو انه اذا ارتفعت الأسعار كالوقود وإذا ارتفعت الضرائب وإذا زادت رواتب الكبار وبقيت على حالها رواتب الصغار وإذا زاد معدل البطالة مع وفود عماله .. اذا حصل كل هاد أو اكثر

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

العجيب انه فجأة ما بطلعلنا صوت و لا .............. بنزمر

خخخخخخخ انا من رايك عبدالله .. ما منسترجي نزمر لهيك شغلات ^_^ للأسف يعني..

عن جد الحق معك

نحنا مو شاطرين غير بشوفة الحال والحكي بالضهر

مشكووووورة

Admin
شاعر الرومانسية
فينوس
جواهر
أشكركم لمروركم الكريم

على هيك موضوع ولاأحلى
لازم نزمرلك

وهاي العادات من زمان الزمان نستعملها ..

ومابطلت موجودة في كل مكان بس بأسلوب محترم أكتر ..
يعني مو عالطالعة والنازلة بنزمر ..

بس القانون الجديد تبع السير رح يضب الشارع ويحسن المواطنين ..
وإن شاء الله خير ..

مشكورة ولا أحلى

سلامات