ايهما تفضل اصدقاء الانترنت ام اصدقاء الواقع ؟

أيهما أفضل أصدقاء الانترنت أم أصدقاء الواقع

كلنا يعرف مدى أهمية الصداقة
ومدى أهمية إحسان إختيار الصديق
هناك أصدقاء الدراسة
أصدقاء من العائلة
أصدقاء الطفولة
وأصدقاء الإنترنت
والنوع الأخير هو الذي أرغب في التحدث عنه قليلا " أصدقاء الإنترنت " في كل يوم نقابل أصدقاء جدد في كل مكان
حتى في الإنترنت

لنتذكر
كم من صديق تعرفنا عليه من خلال الإنترنت وقف الى جانبنا وساعدنا كثيرا بل قد نحبهم أحيانا لدرجة كبيرة ربما تفوق حبنا لأصدقاء الطفولة او الدراسة بل ونحن لم نرهم أصلاً
.. سؤالي هنا ..
هل من الممكن أن يكون أصدقاء الإنترنت أفضل وأكثر وفاء من أصدقاء الواقع ؟؟

تحياتي
ساندرا

والله سؤالك سهل والاجابة عليه ولا أصعب

بالنسبة الي انا افضل اصدقاء الواقع

لانو اصدقاء الانترنت ما هي الا عبارة عن صداقة مؤقتة

هي بنظري انا , وانشالله يكون كلامي مو صحيح

سأقول لك شيئا مهما
نلاحظ أن نسبة كبيرة وليست بصغيرة من الذين يستخدمون عالم الانترنت هم من الذين يشعرون بفراغ وعدم القدرة والتفاعل مع العالم الخارجي لم أشمل الجميع طبعا
إذا نظرنا إلى العالم الخارجي ورأينا الدرويش أو الفقير ونظرنا إلى أخلاقه فسترين أن هذا الشخص هو إنسان بكل معنى الكلمة يهب ما لديه لغيره وهو أحسن خلقا من صاحب المال والذي باستطاعته الدخول إلى هذا العالم أو المرتاح ماديا

فلذلك أظن أنه استحالة أن أجد كأصدقائي الواقعيين في الحاية
لأن شخصا واحدا منهم فقط هو من يستخدم الانترنت
شكرا لك على الموضوع

انا طبعا بفضل اصقاء الواقع لاني اكيد بكون واثقة منن أكتر والثقة هاي ملموسة يعني شايفتن وقضيت معن فترة من حياتي عرفتن بالحزن والضحك ممكن وقعنا بمواقف كل شخص فينا اختبر التاني
أما اصدقاء الانترنت فبصراحة صداقة سطحية لمجرد تبادل الآراء والأفكار وعلى مبدا التعرف على الآخر من مناطق مختلفة
بس مارح نقدر نعطيون الثقة والحب اللي عطينا لأصدقاء الواقع
يعنى إذا صار معي موقف ما رح ترك رفقاتي وإلجأ لرفق الانترنت لأني ما بعرف دلخليتن بالضبط شو هي
إلا إذا تطورت صداقة الانترنت إلى صداقة مرئية وتعرفنا عليهن عن قرب
هيك بكونو أصدقاء الانترنت هني نفسن اصدقاء الواقع سلام

والله انا بفضل اصدقاء النت يعني اقل شي الواحد ببوح عما في داخله بدون حرج وبضل الواحد آخد الصورة الحلوة عن الشخص احسن من الي عم نشوفوا عن اصدقاء هي الايام (الخاين والمصلحجي والئيم و و و و ....

أنا بفضيل الصديق المنيح اللي بيحس فيي وبهمومي من وين ما كنت متعرفة عليه
لأنو كتير من أصدقائي الحقيقيين اللي عايشين معي كل يوم وبيعرفوا كل همومي تجاهلوني لما قصدتن بمساعدة وأنا طبعاً هون عبحكي عن رفيقة عمري اللي بقيت أنا وياها شي 15 سنة أصدقاء ولما قصدتها مشان تلاقيلي شغل بدبي محل ما هي بتشتغل تجاهلتني مع أنها بتعرف كتير منيح أني بحاجة للسفر، وأنا بعرف منيح أنها قادرة تلاقيلي شغل وما فيها أبداً صعوبة لأني طالبة جامعية متلها وهلأ هي هون بالشام ومتجاهلة الموضوع تماماً حتى ما خطرلها أنو تسألني كيف ساويت أموري المادية.
بالنهاية أنا بفضل الصديق المنيح من وين ما كان أما بالنسبة لأصدقاء النت فأنا ما عندي غير أنتو وهاد المنتدى الوحيد اللي مشتركة فيه، وما شاء الله عليكم كلكم حبابين.

مشكووووورة ساندرا على الموضوع يمكن خليتيني بهالطريقة أني أحكي شي كتير زاعجني وألمني من قلبي.

المهم يكون منيح وصادق وبيعرف معنى الصداقة وين ما تعرفت عليه

شكرا لمروكم جميعا