القاموس الشامي ( الجزء التاني)

شاضومة

تعبير مؤنث لا مذكر له يفيد كون المرأة غير مرتبة وليست من الأكابر وتحب الكلام غير المنمق وكثرته

شرنه

(إنظر الشرح في تفسير مصطلح شاضومه )

ملحو على ديلو

يعني لا يقيم وزناً للعشرة والخبز والملح

يلي ببالي بالك

كناية عن أمر يتعذر ذكره...!

معصمص

نحيل بارز العظام

يا إيدكم!

تعبير عن الهرب بسرعة من شيء

زمق

أي هرب ببراعة وحذق، وزمط شرحو

سرّي مرّي

أي جيئة وذهاباً بشكل متكرر إلى حد الغلاظة وتتبعها أحياناً أو تنوب عنها (خدني جيتك) و(كيلي ميلي)

حط بالخرج

أي لا تعبأ بما يقال

على قفا مين يشيل

كناية عن كثرة الشيء وشيوعه

مأنّف

يعني لا يعجبه العجب ولا الصيام برجب

فش نيعو

يعني بدي انتقم منه شر انتقام وهي بالحلبي: يفشر حنكو

أزّت نفسو

أي نفر من الشيء نفوراً كأنه رأى صرصوراً

جفص

صفة للجلف غليظ الروح

حنتر

أي 'تيّس' و'بوزم' في الوقت نفسه

طلع من عيونو عامص

يعني دفع ثمناً غالياً وندم على ما نال

كل طلقة براحة

أي يقوم بالشيء رويداً رويداً بين الفينة والأخرى

يلي بدو يموت يوصّيك بولادو

ذم بصيغة المدح يعني أن المذكور غير أهل لحمل المسؤولية

على كراريت حلقو

يعني مصاب بغثيان شديد وإقياء لا يستطيع كبحه لا بحلال ولا بحرام

لا تكرّك عليه

يعني لا تلح عليه إصراراً

قلبه عميقول حق بق (كما أن القاف تقرأ ء)

يعني أنه يريد أمراً بشدّة لكنه يضمره إضماراً ولا يظهره إظهاراً

· لحم السير عالقبقاب وصاروا المبغضين صحاب

مبينه وما بدها شرح

· يلي بيجي منمدلّه فرشة ويلي ما بيجي منرتاح من وشه

مثل نسائي بحت يفيد عدم الترحيب بأشخاص معينين ما عم يجوا أصلاً

· شو هالتجرة

يعني الأفندي ما عجبته هالحكاية كلها وحاسس إنو تعبو راح أو أدراج الرياح

وحياة خالقك ماني مفارقك

تعبير يفيد غلاظة المتكلم وتغالظه على المتكلم عنه ويتبعه عادة: مومحبة فيك بس بدي دايئك

العين الطرّاءة

عبارة عن التمسخر على المتكلم عنه وأن لا شيء فيه بينحسد عليه

بيقطش وبيلحش

يعني المهذار كثير الهفوات ومن يهرف بما لا يعرف ولسانه يسبق عقله

ولي على كسرتو

تعبير يفيد التحسّر على شخص ما مع لومه على ما فعل (في تناقض، مهيك؟)

كِ ــــــنْ

بكسر الكاف وتسكين النون يعني اهدأ أحسنلك

كروج

يعني درمل، وبتعبير أفصح افرنقع من هنا، وادحال مثلها

فــز

كمان بكسر الفاء يعني قوم (أوقف وانت بتكلمني)

جماش

أي همجٌ رعاع مستجحشون

مصطهج

يعني مسلطن، مكيّف، مبسوط أو كما قال سيبويه: منتشي

أفّّعت معو

يعني حمل القشة التي قصمت ظهر البعير وبلغ السيل الذبى

مو نفعان لا للخل ولا للخردل

يعني بلا فائدة تذكر، وأحياناً بقولو من نافع لألله بنافعة

يتمألس

يعني يفتعل السخرية على الآخرين (يتمسخر)

لاطيلو

يعني كمن له منتظراً ومنها المتل القائل: 'قلّو لاطيلك قلّو صاحيلك' يعني هدول تنين ناويين عالشر لبعض وكل واحد منتبه للتاني بس بدون كبريته ليشعلو

ادفشو وشوف ما أجحشو

يعني بالإنكليزي: Fools rush in where angels fear to tread

ما فيه الوتكة

يعني صاغ سليم خالي من العيوب وأحياناً يعني فاضي

ما معو نكله

مفلّس وحالو عدم

أول باشتان.....ثاني باشتان

طريقة في تعداد الأمور والأوامر والأسباب والمسببات (أولاً ، ثانياً)

بظّت عيونو

يعني جحظت العينان حتى كادت المقلتان تخرجان من محجريهما (على طريقة الجاحظ) لما شاف شي عجبو

سك

حقيبة نسائية تقليدية تصنع من قماش (مستعمل) للتسوق وخصوصاً من سوق الجمعة

نازل عالمدينة (أو رايح عالشام)

يعني رايح عالسوق التحتاني، i.e. Going downtown

خسكار

كمية من العمل المقرر ليوم واحد أو بضاعة معدّة للبيع ضمن اليوم

من دهنو سئّيلو

تعبير يفيد الكحتنة والجرب وصرف النقود على الشخص أو الشيء بعد أخذها منه دون التكلف عليه بقرش

ما صرلو بالأصر إلا مبارح العصر

يعني أنه جديد على أمر ما وغرّ فيه وأحياناً تكون إشارة للنفاريش أي باللاتينية nouveau riche

ولاد آدو

يعني المشكلجية والعونطجية وولادين الحرام

سبرتاكو

القطعة الصغيرة التي تكون مسمّرة في كعب الكندرة النسائية من الأسفل (وبتطلع عند أول لبسة بالكنادر الوطنية)

قراضة

يعني نوع عاشر، شي تعبان بنوب (متل الكنادر المذكورة آنفاً والمسمّاة عند البعض: بضاعة لا حول)

متمسح

يعني واحد متبلد المشاعر والأحاسيس متل التمساح بفرد شكل (وبمعنى آخر: لا الحر بحرّو ولا البرد بضرّو)

كل ما حدو بيت السلطان خيلهن بتمد الخنفسة رجلها

مثل شعبي يقال كناية لمن يحب الاشتراك دوماً في أمور لا ناقة له فيها ولا جمل، ولا فهم ولا علم له بها وهو يعتقد أن له ما للآخرين

اندفس

أي: نام أحسنلك، انقبر

تكورت

متل تدولق ، فعل يفيد تناول الطعام، وتزهرم مثله أيضاً

من بيت شقاع لبيت رقاع (وهي تقرأ كالعادة: من بيت شآع لبيت رآع)

تعبير نسواني عن المرأة الشطاطة النطاطة التي تنتقل من بيت لآخر ولو بالشحاطة

عم يحاسب القاضي

أي يقوم بقضاء حاجته في بيت الخلاء

آرعو ونادبو وشــ*شــ*ي وأبو مخطة

أي سوقة القوم والرعاع

انطمز

أي انزعج وبوزم وقلب خلقتو وما عاد يتحاكا

مطهمز

أي مطأطأ أو مطأطئ الرأس

طمبرو (جديد جداً )

أي خورفو وهي بالمعنى الحرفي ركبلو طمبر وفهمكم كفاية

شامم ريحه كرهه

تطلق على المتكبر يلي رافع منخاره وقالب وجهه

آكل كم بحالو

انظر تفسير شامم ريحه كرهه

خود منّي

إنهاء للنقاش ودعوة الطرف الآخر للثقة بما يقول المتكلم دون نقاش.

دواليب الجنة

مصطلح جديد للفلافل ومحاولة لرفع شأن هذه الأكلة الشعبية

عليّ ما عليّ

قسم يريد به المتكلم أن يحلف بالطلاق ولكن سمع أنو هذا لا يجوز فبطلها واستعاض عنها بهذه العبارة.

سم الكرّاتي

تقال عندما يكثر الطرف الآخر من الأكل.

فجعان

أي الحالوش أو الشره

مكـــــــــولك

أي اللألوء الذي يحب تمسيح الجوخ.

كعي فيه

يعني ألح وأصر كثير عليه ولكن الطرف الآخر يرفض

طرفنده

تعبير مؤنث يدل على أنه شيء جميل جداً ومميز

® جميع حقوق الغسيل والنشر محفوظة لأهل الشام......

[ندعوك للتسجيل في المنتدى أو التعريف بنفسك لمعاينة هذا الرابط]

حلوين ....
الله يعطيك العافية .
ـــــــــــــــــــــــــــــــــــــــــــــــــــ

اقتباس :: مصطهج

يعني مسلطن، مكيّف، مبسوط أو كما قال سيبويه: منتشي

ماني هي كلمة حمصية وخصوصي بشلتي يالله اعتراض

اقتباس :: دواليب الجنة

مصطلح جديد للفلافل ومحاولة لرفع شأن هذه الأكلة الشعبية

شو مشانك الفلافل من يوم يوما مقاما عالي وأطيب من مية شاورم وخصوصي السوقي ما بعرف ليه دايما أطيب من شغل البيت تعا دوقا عنا عند البتول وحياتك ما بقى يعجبك غيرا

غير هدول الله يسلم إيديك

اممممممممممممممممم
بش شو مشان؟؟؟؟؟؟؟؟؟؟؟
انك عم تقول اغلب الكلمات اللي مومنيحة للمؤنث بس
وهية بتصير هيك وهيك
على كل............شكرا عالتوضيح استاذا شاعر
بدنا قللك مترجم الكلمات
بدال شاعر الرومنسية
فعلا هالموضوع كلو رومنسية ما عليك

خخخخخخخخخ احلى شي شرنة خخخخخخخخخخ
يسلمووووووو ^_^

اقتباس :: دواليب الجنة

مصطلح جديد للفلافل ومحاولة لرفع شأن هذه الأكلة الشعبية

أتفق مع رنيم إلى أبعد حد
الله يعزها
شو عزتنا
يعطيك العافية

ولو هي فلافل بدا تنين يحكوا فيا
شكرا للتشجيع القوي آدمن كلك ذوق

صار لازم القاموس يصير عندي لاستوعب الكلمات
يعطيك العافية
رح احفظه كملف ورد

الله عليك يا شاعر
تنشر اللهجة الشامية بين أحبابك ..
مشكور ويعطيك العافية
سلامات

اقتباس :

شو مشانك الفلافل من يوم يوما مقاما عالي وأطيب من مية شاورم وخصوصي السوقي ما بعرف ليه دايما أطيب من شغل البيت تعا دوقا عنا عند البتول وحياتك ما بقى يعجبك غيرا

ليش من حكى على الفلافل رنيم خانم وقال انو مو عاجبني اه ؟؟
ولا بس بدك تتبلينا

بعدين لما اطلع أتعشى بره مع الشباب هنا بيطلبوا مشاوي وكبسة وانا الله وكيلك فلافل
لأني كتيير بحبها

اقتباس :

اممممممممممممممممم
بش شو مشان؟؟؟؟؟؟؟؟؟؟؟
انك عم تقول اغلب الكلمات اللي مومنيحة للمؤنث بس
وهية بتصير هيك وهيك
على كل............شكرا عالتوضيح استاذا شاعر
بدنا قللك مترجم الكلمات
بدال شاعر الرومنسية
فعلا هالموضوع كلو رومنسية

عفوا شذى بس عنجد مافهمت عليك
كيف يعني ؟؟
وبدال مين بدي أكون ؟؟

اقتباس :

خخخخخخخخخ احلى شي شرنة خخخخخخخخخخ
يسلمووووووو ^_^

اهلين فينوس
شايفة ما أحلاك لما ماتعلقي !!!

اقتباس :

لا يابو الخل شو صفيت معا ؟!!
والله انا بحب الفلافل شبكن ؟؟
بعدين بس تجي عالدمام تعا واسأل على فلافل نبع الشام , وفلافل الشلال
قمة في الروعة , ولاأطيب من هيك ,السندويشة الوحدة بتسوى الف كيلو مشاوي , وين رايح انت
وبعدين اذا بدك تتأكد اذا كنت انا بحب الفلافل ولا لأ اسال اللي بيشتغلوا هونيك عني
لانهم حفظوني

اقتباس :

ولو هي فلافل بدا تنين يحكوا فيا
شكرا للتشجيع القوي آدمن كلك ذوق

وليييي ولييييي رنيم ولييييييييي

شو ما عملنا ماراح نخلص منكم

اقتباس :

صار لازم القاموس يصير عندي لاستوعب الكلمات
يعطيك العافية
رح احفظه كملف ورد

هههههههههههههههه
والله ضحكتيني
الله يكون بعونك
بس اذا بدك مساعدة خلي خالد يساعدك
او دوري مين من الاعضاء من الشام من شان يساعدك

اقتباس :

الله عليك يا شاعر
تنشر اللهجة الشامية بين أحبابك ..
مشكور ويعطيك العافية

ايه والله سهم
يعني متل مابتعرف من شان الوعي العام
خخخخخخخ

صح كلامك
صارت نورا المترجمة لي
يعطيها الف عافية أحبك

انشا الله بعيشو هالايدين

والله كلك زوء وفهم ولمعلومك انهم:

فضلو الفهم على العلم

مشكور شاعر الرومنسية

اقتباس :: مصطلح جديد للفلافل ومحاولة لرفع شأن هذه الأكلة الشعبية

شو قصدك بهي الكلمة
بعدين شو مشانك قال ولي يصحلك

أمزح

يسلمن شاعر مافي أحلى من الكلمات الشامية
ولا أحلى على راسي والله وبتأمري

--------------------------------------------------------------------------------

شاضومة

تعبير مؤنث لا مذكر له يفيد كون المرأة غير مرتبة وليست من الأكابر وتحب الكلام غير المنمق وكثرته

شرنه

(إنظر الشرح في تفسير مصطلح شاضومه )

ملحو على ديلو

يعني لا يقيم وزناً للعشرة والخبز والملح

هي مفردات ممكن تكون للشباب كمان.......صح
قصدي صار لازم نقللك لقب مترجم الكلام
بدال شاعر الرومنسية
وصلت المعلومة؟؟؟؟؟؟؟؟؟؟؟؟؟

وصلت المعلومة شذى

بس للاسف مابقدر اغير لقبي

لانو مرتبط فيني

مابعرف مين مرتبط بالتاني , بس عنجد مابقدر اغيره