رنوش في المحمصه الحلقة الأخيرة حصريا لشاعر الأحاسيس^_^

مررررررررحبا
آسفة على التاخير , شكرا رنوم على الايضاح
اي حاضر شاعر رح احكي على يومي بالتفصيل الممل بس لا تعلق عالأسلوب

بفيق الساعة 9 ونص تقريبا بغسل وبتنشط شوي وبعدين منعمل أنا والماما فطور ومنفيق أخي مشان يفطر ويروح على شغلو
وبعدين بعمل قهوة وبتمزمز فيها على التلفزيون على قناة سبيستون لانو عالساعة 10و 10 دقايق بتطلع سالي بس مبارح كانت آخر حلقة يا خسارة واليوم طالعو بدالها فلورة كمان فلم قديم
بعدين عالساعة 11 إلا ربع بقوم وبالتعاون مع الماما منشتغل بالبيت ومنركنو وفي بعض الاحيان بروح عنادي آيروبيك او باجلها للعصر على الأغلب ( الدوام على كيفي )
بعد ما خلص شغل البيت بفتح النت شي الساعة 1 تقريبا على الاغلب وببقى للساعة 2 ونص لحتى يجي أخي وبعدها لازم نحضر للغدا للساعة 3 بيجي البابا
3 ونص منتغدا وبعدها بعمل قيلولة طبعا قبل في جلي الصحون
القيلولة ما شرط النوم بس لمجرد الاسترخاء يعني بحب إقرا بكتاب وهيك لحتى اتعب (حاليا كتاب قصص الانبياء لعمرو خالد)
هلء اوقات برجع بفتح النت الساعة 6 عصرا هيك للساعة 6 ونص
بقوم بعمل قهوة ومنقعد انا والماما على البرندة نحنا البرندة عنا بطل عالبساتين يعني قعدة حلوة
المهم منقعد انا والماما ومنفتح احاديث ونقاشات ووبعدها عالساعة 7 منكون خلصنا حديث والقهوة خلصت بجي وبحفظ اللي الله بيسر من القرآن والحمد لله ( لساتني بدائية)
بعدين يا بروح مشوار أو بكون عنا زيارة أو بروح عالسوق إما مع رفقاتي أو مع الماما وهيك

انا كنت مسجلة دورة محادثة انكليزي وهلء موقفة تسجيل بس انشا الله رح ارجع كمل

ما بعرف إزا في شي سؤال أو استفسار يمكنكم الاستعلام

نمتو ولا لسا

مأحلى إيام القعدة عالبرندا والدراسة بتذكري
لهلأ ما بنسى غدا البامي عالبرندا
عفكرة رنوش أكلا فيه كتير صعوبة مثلا ماميتا كانت عاملي البامي بتسألا ماما هيك منيحة ولا لازم تكون أصغر

وقس على ذلك

اقتباس :: إي الله يقدم اللي فيه الخير
وإن شاءالله مبارك ما عملتو

الله يبارك فيك خالد شكرا

رنوش

شقد أطول وقت قضيتيه عالتلفون ومع مين

وكمان أقصر وقت ومع مين ؟؟؟

هاتي لشوف

رنوش كيفك ان شاء الله تكوني بخير

ما الأغنية المفضلة لك ؟

ما المغني او المغنية التي تحبي الأستماع لهم ؟

والله يا رنوش بنفتخر باللي مثل والله يقدرك على حفظ كتابو ويجعلنا وإياكي من الحفاظ بإذن الله
تحياتي لك ومتابع بصمت شويات

رنيم كتب:: رنوش

شقد أطول وقت قضيتيه عالتلفون ومع مين

وكمان أقصر وقت ومع مين ؟؟؟

هاتي لشوف

والله يا رنوم بدي تسألي حالك
يعني ما منسكر الخط غير ببهدلة

بالنسبة لأقصر وقت لما بكون التلفون ما لإلي
يعني التلفون الطويل غالبا مع رفقاتي

كلمات منسية كتب:: رنوش كيفك ان شاء الله تكوني بخير

ما الأغنية المفضلة لك ؟

ما المغني او المغنية التي تحبي الأستماع لهم ؟

هلا كلمات منسية أنا منيحة الحمد لله انت وين هالغيبة
بالنسبة للأغاني ما كتير بسمع
بس المهم عندي تكون هادي ما في أغنية محددة بس بشكل عام أغاني اليسا
يعني ما بهمني المطرب أكتر من الأغنية نفسها

وشكرا

شاعر الأحاسيس كتب:: والله يا رنوش بنفتخر باللي مثل والله يقدرك على حفظ كتابو ويجعلنا وإياكي من الحفاظ بإذن الله
تحياتي لك ومتابع بصمت شويات

شكرا الك شاعر بس والله لساتني بالأول بس انشا الله ثابر
سلملي على بنت أختك كتير هالاسم كتيييير بحبو وحبيتا بدون ما أعرفا

أهلين بما أنك حبيتها من دون ما تشوفيها خلص إن شاءالله بس أرجع عالبيت بحطلك صورتها

شاعر الأحاسيس كتب:: أهلين بما أنك حبيتها من دون ما تشوفيها خلص إن شاءالله بس أرجع عالبيت بحطلك صورتها

شو يا جماعة ما حدا بدو يسألهم لرنوشة
خطي ادعموها بالأسئلة

مرحبا ياجماعة ,,,,
لايكون نسيتوني !!!

مالاقيتو غير رنوش تحطوها عالمحمصة ؟؟ الله يكون بعونك يارنوش
والله نفسي حطلك كم سؤال من اللي بيحبهم قلبك بس والله بالزور لادخل عالنت
يلا مو مشكلة الاعضاء بيكفوا وبيوفوا والبركة فيهم

وانتي قدها رنوش بدنا همتك والله يعينك