أمثال حمص القديمة

أمثال حمصية قديمة اندثرت إلا من رحم ربي من جداتنا

أبوك بصل وأمك توم من وين بدا تجيك الريحة الطيبة
أبو العباية ما مناخدو وأبو الجوخة ما بيجينا
اترك العجل يسرح وقت رضاعتو بيعرف أمو
إجا العصفور يتعلم مشية الزرزور صار يمشي نطوطة
إجا المنتوف لعند المهتري قالو عندك دوا للعافية
إجا للعميان صبي قلعو عيناي بالتلميس
إجو بيت السلطان يحدوا خيلهم إجت الخنفسة رفعت رجلها
أخي وصاحبي بس صوب الكيس لا تقرب
إذا بتوعدو بكفن بيصبح ميت
إذا بدك تعيش بأمان لا تسمع للنسوان
إذا كان كل واحد منكم كبير مين بدو يسوق الحمير
إذا كان الحظ جاي..الأعمى بيعمل ساعاتي
إذا كان راسك من شمع لا تمشي تحت الشمس
أرمل أخد أرملة وضيفوا بعرسهم بصلة
اربط الحمار جنب رفيقو إذا ما تعلم من شهيقو بيتعلم من نهيقو
اعط الفارة كرباج بتمشي وبتتبختر فيه
أعمى قال للأطرش خلينا نشوفك
أقرع وذقنو طويلة قال شي بيغطي على شي
أقرع وراخي دقنو منية الحلاق على رجلو
الأبرة الي فيها خيطين ما بتخيط
الأعور بمملكة العميان ملك
أمي ما بتقدر غير على أبي
امشي بجنازة ولا تمشي بجازة

من كتاب أمثال حمص الشعبية لجورج رباحية
منقول

اقتباس :: إجا للعميان صبي قلعو عيناي بالتلميس

حلوين كثير الأمثال
بالأول هاد المثل ما فهمتو بتعرف ما خطر ببالي إنك تكتبوا بالحمصي القح
الله يسلم هالديات

حلوين كتيير
ياالله ما احلا الحكي الحمصي عنجد بجنن..

هذا غيض من فيض
و ما اندثر عظيم , عسا أن نجد لبعضه سبيلا

إجا العصفور يتعلم مشية الزرزور صار يمشي نطوطة
ههههههههههههههههههههههه
حلوين كتير
وهي ابوي دائما بيقلي ياها
يسلمو ورد

خالد : هاد المتل بيقولوا وقت وحدة بكون طاقق عقلا بإبناالصبي
عرفت

ورد يسلم إيديك حلويين

امثال ظريفة

جداً حلووين

ربي يعطيك العافية

الشكر للجميع
أدامكم الله سنداً و عضداً

هههههههههههه

امثال جميله فعلا و صاحب الموضوع اجمل

مشكور على الموضوع سلمت يداكي