انقطاع الانترنت في سوريا... سببه "لصوص النحاس" !

نوبلزنيوز: كثرت الإشاعات حول سبب انقطاع خدمة الانترنت في سورية يوم الاثنين 28-10-2008 لمدة ثلاثة ساعات, ولكن بعد التحقيق تبين أن سبب هذه المشكلة, قيام بعض اللصوص بالسطو على الخطوط الهاتفية في منطقة ريف دمشق (وهو الأمر الذي لم يتوقعه أحد !), وذلك للاستفادة من مادة النحاس الموجودة فيها وبيعها.<BR>وتسببت السرقة بإلحاق الضرر بالكابل الرئيسي الضوئي الذي يصل سورية بالشبكة العالمية، وهو ما أدى إلى حجب خدمة الانترنت بكافة أشكال ووسائل الاتصال سواء، على DIAL UP أو DSL أو الاتصال لاسلكيا بالانترنت عبر تقنيات الجيل الثالث.<BR>كما تأثرت الاتصالات الأرضية الثابتة بالعطل، فتعذر إجراء المكالمات الأرضية و الخليوية الدولية في بعض المناطق، حسب تقارير نقلتها عدد من المواقع السورية.<BR>وقال وزير الاتصالات و التقانة "عماد الصابوني": إن الطاقم الفني للوزارة أعاد ربط شبكة الاتصال والانترنت خلال وقت قصير, بعد الخلل الذي أصاب الشبكة في منطقة "عدرا" شمال شرق دمشق، لتعود الخدمة بعد 3 ساعات من الانقطاع
نيوز
على الهامش .. </

<>في هذا اليوم بالذات رحت مرتين على مقهى الانترنت من أجل الدخول على المنتدى بسبب انقطاعي مدة أربعة أيام

ولكن للأسف الجواب كان هو هو الانترنت عطلان
<
إي على الدنيا السلام إذا وصلت الشغلة لهون

ههههههههههههههههه
والله شي بضحك يعني مالقو يسرقو نحاس الا من خطوط التليفون!!!!
داقت الدنيا عليهم !!!

هيك الظاهر ..
والله أنا لما نزلت على الشام الوضع صاير ببكي
بس هلأ ما عاد توفي معهم
لأنو النحاس نزل سعروا فوق السبعين بالمية
الله يكون بالعون
يمكن هي الأزمة المالية أجت لصالح هالناس المساكين
بركي بترجع بتتعدل الأمور شوي

ايه مزبوط لانو صهري عندو محل نت كمان انقطع عنو النت
والله الناس لتاكل بعضا من هالاوضاع كل ما منقول بدنا رنجع ع بلدنا ونستقر بنروح وبنلاقي الاوضاع كلمالا لورا الله يجيرنا

آمين يا رب الله يسمع منك

احم احم أول الشي شكرا كتير شاعرنا لنقل الخبر و باما انو أنا عايشة بالشام رح اشرحلكون الوضع بشكل مفصل أكتر لأنو أكيد بسيريا نيوز ما رح ينزل كل شي.

اقتباس :

انقطاع خدمة الانترنت في سورية يوم الاثنين 28-10-2008 لمدة ثلاثة ساعات

من جهة انقطاع الانترنت يوم الثنين الضهر هي صحيحة و ياريت بس الانترنت حتى خطوط التلفون انقطعت بس شغلة ال3 ساعات و اجت الشبكة اسمحو لي قلكون هي غلط لأن الخطوط اجت يوم الخميس 30/10/2008 الساعة 1 الضهر (أكيد لاحظتو غيابي عن المنتدى من يوم الاتنين لليوم)

اقتباس :

إن الطاقم الفني للوزارة أعاد ربط شبكة الاتصال والانترنت خلال وقت قصير, بعد الخلل الذي أصاب الشبكة في منطقة "عدرا" شمال شرق دمشق، لتعود الخدمة بعد 3 ساعات من الانقطاع

كمان هي ما جت بعد 3 ساعات اجت الخميس 30/10/2008 و ياريت بس بمنطقة عدرا الخطوط انقطعت من دوما (قبل عدرا) لتدمر (بعد عدرا) و غير هيك خطوط التلفون بالشام كلها صارت توشششششش يعني بدك ساعة وانت عم تصرخ حتى يفهم الطرف التاني شو عم تقول.
ولمزيد من المعلومات بحب قلكون انو منطقة عدرا مو منطقة سكنية هي منطقة معامل و شركات و كل هالشركات تعطل كل شغلها بسبب هالمشكلة و كمان اكتر من هيك شبكة الخليوي بالاصل ضعيفة بعدرا.
(أنا ما جبت هالمعلومات من خيالي أو حدا قلي ياها لأ أنا بشتغل بشركة مقرها بعدرا و من يوم الاتنين ليوم الخميس و الشركة كلها 250 موظف قاعدين عم نشرب شاي لان ما منقدر نشتغل بلا التلفون و الفاكس و الانترنت)

يعني ما جبتي شي جديد .. كالعادة الجرائد .. كلام جرايد
وبجوز هنن قاصدين بكلمة 3 ساعات يعني 3 أيام وهاد اللي صار والله أعلم
على كل ..
يهنيكم السلامة اعتراض

.. وشكرا على مرورك مايا