معتقدات شاميه

معتقدات شاميه

اذا انكسرت كاسة يقال: انكسر الشر
*
من يأكل من رغيف غيره يخاصمه و يعاديه ( كتير بتكون قاعد مع اسرة شامية على سفرة الاكل

و بتلاقي الام عم تخانق ابنها لانو اكل من خبزة اخوه : ليش قال اذا اكل من خبزة اخوه بيتخانق معو )

* اذا مر حدا فوق الطفل ما بقا يطول ( انو اذا طفل صغير مسطح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!! و متل ما بقول المتل فشخة حية ولا فشخة بنية)

* قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص )
لو وصلت اظافرك للديل لا تقصهون بالليل
* مراششة الميه فراق (ما بصير حدا يرش رفيقو بالمي لان بعدين بيتفرقوا )

* للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين

* اذا اجت الكندرة فوق الكندرة يعني رايحين مشوار

* اذا زحف الولد او زقزقت العصافير معناها جاينا ضيوف

*اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل

* اذا كان في خناقة بيقولوا اقلبوا الصرامي لتحمى الخناقة (شماتة ) الله لا يشمت حدا فينا

* اذا رفت عيني اليمين بيكون جاينا خبر طريف

*اذا رفت عيني الشمال بيكون جاينا خبر مو منيح



* اذا حكني حاجبي معناها بدنا نستقبل حدا جاي من السفر

وإذا حكني كفي جايتني رزقة

* و ما بصير الحمام بالليل

*و ما بينفع كب المي بالبلوعة بالليل من غير التسمية بالله و الاستعاذة أولا (يالطيف مشان ما يأذونا ولا نأذيهن

)
*واذا شفت مقص مفتوح لازم فورا تسكرو ( لانو المقص الفاتح تمو بيعمل خناق )



وما بيصير نفتح ونسكر المقص كتير كمان بيعمل خناق


*وإذا عمل العصفور تحتو على الأواعي يعني جاييكون رزقة
*و دلق القهوة رزقة

*و شرب المي بعد القهوة قلة زوء
*إذا حكني كفي اليمين معناها بدي أقبض مصاري

*و إذا حكني كفي اليسار معناها بدي أدفع مصاري




*و اذا الولد الصغير كتير ابن الشهور عم يضحك لحالو
بيقولو الملايكة بتكون عم تحاكيه




*و كمان في اعتقاد انو اذا البنت اول ما خلقت وطوطوها ( يعني دهنوها بدم وطواط ) ما بيعود بيطلعلها شعر بجسمها أبداً
*و

كمان يلي حامل بصبي بتتباشع


*و ببنت بتحلا
وإذا الطفل قعد بالصينية وهي عالأرض بيرتعبوا لأنه هاد الولد رح يضيع *



و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة

هدا دليل على انو هالشخص ناقص
*

واذا عندك ضيف اتقيل دم وبدك يروح من عندك على السريع شك دبووس او

عدة دبابيس بأيد المقشة او اقرأ سورة الزلزلة

*واذا خايف من عين اتصيبك جيب ورقة واكتب عليها اسم الشخص الي خايف

من عينو وغزها بالدبوس وانت عم تقراء المعوذات وتقول من عين افلان و تنفخ

*والي بعد النجوم بيطلعلو تالولات بايدو

*وبعد ما نخلص صلاة نطوي السجادة مشان الشيطان ما يصلي عليها (معلش خليه يصلي وياخود ثواب )

====================================

[]


الحقيقة بعض المعتقدات عند اكثر الدول العربية وليست في الشام فقط

والحقيقة اللي بتحمل ببنت بتسير بالفعل احلي من لما بتكون حامل بصبي

بيظهر عليها النعومة اكثر

الله يعطيك العافية بالفعل مظبوط بس المشكلة انه هي المعتقدات تبع امي وامك وستي وستك يعني شي قديم وانت بتعرف انهم كمان بقولو يلي مالو قديم مالو جديد

عماد حلوين كتير
بس انو الحمام بليل ما بيسوى والله صعبة
بالذات للعرسان

ابو وليد :
الله يسلمك يا سيدي . شكرا لك و لمرورك الكريم

=========================
nor7
بالفعل في معتقدات كتيرة عنا وعند غيرنا مو حكر علينا
شكرا لك و لمرورك الكريم

==========================
ابو الجود
لا رحت ولا اجيت .... اجاني ايميل بهالشي بس لا تقول لحدا ... تمويه يعني
شكرا لك و لمرورك الكريم

==========================
روز
يعني معلومات عامة من معتقدات أجدادنا ... بس من وين جابوها ... !!
شكرا لك و لمرورك الكريم

============================
Rood
الله يحلي ايامك
بس ما فهمت شو قصدك
يعليي شو آدامي !!!!
شكرا لك و لمرورك الكريم

============================