مقتطفات من موسوعة المكاري!!

معلومات عامة :
ما هو المكرو: هو وسيلة نقل تستخدم في الشوارع
السورية بكثرة حيث تتكون هذه الوسيلة من علبة اسطوانية او شبه اسطوانية و
من ثلاث أبواب اثنان طبيعيان وباب ثالث فضائي و هو باب الزبائن أي
(المفعول بهم) و أربعة دواليب تقاد من قبل أشخاص غالبا ما تكون نسبة الـ
IQ لديهم دون الصفر!!
سنتحدث عن المكرو:
1-الباب الفضائي (باب الزبائن)
حيث إن تقنية إغلاق الباب هي الكرج عن طريق الدفش من قبل الزبون أو
استخدام نظرية القوه النابذة من قبل الشوفير ((عن طريق ضرب فرام)) ولكن
هذه التقنية قد تودي إلى بعض الإصابات, كما انه من الممكن أن يقوم الزبون
بخبط الباب بقوة إذا انزعج من الشوفير إما من غباء الأغنية التي يضعها
الشوفير أو لأنه وقف للزبون في غير المكان الذي أراده الراكب
2-المحاسبة وهي دفع الأجرة للشوفير
إيصال المال للشوفير عن طريق إعطاء المال للراكب الجالس
أمامك فالذي أمامه إلى أن تصل للشوفير (العلاقة المتعدية في الرياضيات)
وتعود الكمالة اليك بنفس التقنية ,غالبا تتم عملية صرف النقود بين المكرو
وسيلة نقل اخرى يحتاج لمزامنة حيث يسير الاثنان بنفس السرعة وتتم عملية
صرف القطع النقدية بالاستعانة بركاب المقعد الأول إن وجدوا,, كما أن الرجل
الجالس خلف الشفير ممكن أن يستخدم كمحاسب يقوم بحساب المال وبكشف
المتهربين من الدفع ..!
3-كيف اركب المكرو !!؟
في الأوضاع العادية: عن طريق التأشير بالإصبع أو باليد، إذا
لم يكن يوجد أماكن في المكرو سيرد عليك الشوفير بأصابعه الخمسة وتعني (لا
يوجد أماكن.! هل تريد الصعود على الواقف؟) ويتقرر بفترة لا تزيد عن ثانية
و يا بتحلقلو او بتوافق ((ولكن انتبه من أن تكسر مخك أنت وصاعد على المكرو
بسبب انخفاض فتحة الباب))
قي أوقات الازدحام: عندما يصل المكرو قم بتدفيش كل من حولك حتى من لايوحون
بأنهم يريدون الصعود ((حيث أنها قد تكون خطة استراتيجية هاها بس مو عليك))
و قم بفتح الباب و اصعد قبل أن ينزل الزبائن من داخل المكرو ((هذه هي
الطريقة الوحيدة للصعود إلى المكرو أوقات الزحام)) و طبعا تعتمد هذه
الطريقة على لياقتك البدنية بشكل كبير.
4-كيف انزل من المكرو !!؟
حيث تبدأ بالعياط للشفير ((وقف يا معلم..ياحبيب..يادب..)) حسب درجة انطراب
الشوفير بأغاني الكراجات وكل ما ارتفعت الوتيرة كل ما كانت نسبة استماع
الشفير إليك اكبر ..! :]
اما اذا كنت من الجنس اللطيف و كان كتير صوتك ناعم فلاتخافي لأن جميع ركاب المكرو من الرجال سيصرخون معك نزلاااااا !

ههههههههههههههههههههههههههههه
هههههههههههههههههههههه
اي والله صدقت وصدق المؤلف
هههههههههههههههههه

شكرا على مرورك أبو الجود

والله معك حق ضيف لهالشي انه الي قاعد جنب الشوفير ما بينزل من الميكرو
لينبعج ضهره من كلمة حاسب ولو سمحت واذا بتريد........؟؟

كلام منطقي بس في نقص لانو في موضة جديدة يمكن لسا ما وصلتك وهي انو المكرو اذا كان فاضي ما بيتحرك ليعبي واذا تحرك تحت الضغط بيوقف بكل موقف وقت معين حسب اهمية الموقف وببدأ باطلاق الزمور لكل شخص ماشي بالشارع وبيستناه ولو كان على بعد كيلو متر وبس يصل لعند المكرو بيطلع مابدو يركب وانت قاعد بالمكرو على أعصابك متأخر على دوامك وما بتحسن تحكي لانو رح تسمع مية كلمة أقلها اذا مستعجل خود تكسي

اي والله . الله يوقف معنا على هالمصايب يلي منشوفها كل يوم .
حزروا شغلة ... يا حزركن شو بيساووا البنات وقت بيطلعوا او وقت بينزلوا من المكرو ؟؟؟؟؟؟
لعمة

بيتركوا باب السرفيس مفتوح ... لعمة

لك من شان الله وقت الوحدة بتتطلع أو تنزل تسكر الباب .... تمام

حاكم يلي جنب الباب مو شغلتو بواب .... معصب

===============================
يعني باختصار ركبة المكاري بتعلمك كذا شغلة بالحياة ... بتصير محاسب ... بواب ... مناداتي ... صبي مكرو ...
سكرتير الخانم ....
كلها فوائد ... عيشوا بهالنعم ... فرحان جدا

==============================

طيب ليش زعلانين احمدوا ربكم

مظبوط والله أكثر حكيكم
شكرا على مروركم
عماد .. ملاك .. مون