خطبة على الاطريقة الحمصية

أنا بس بدي أعرف كم حلقة ..
بس مايكون مسلسل تركي أكتر من 100 حلقة ..
طمنا فارس كم حلقة هاي المسلسل

اخخخخخخخخخخخخخخخخ ليش هيك عم تعمل فينا يعني بتشوقنا لنكمل وبتقطعها علينا..... اعتراض

يلا متابعينك وعم ننتظر البقيه

يللا عم ننتظر
الله يخليك ما تتأخر

شاعر الرومانسيه كتب:: لاتطول الفارس
لانو اندمجنا بالقصة

والله هي القصة المفروض يعرضوها على شاشة الــ Mbc بدال مسلسل باب الحارة

خخخخ

ههههههههههههههههههههههههههههه

لكان هيك بدك يعرضوها على التلفزيون مشان بطل احيها انا هون بيناتكم
اذا هيك بطلت كمل

حزين

سهم العرب كتب:: أنا بس بدي أعرف كم حلقة ..
بس مايكون مسلسل تركي أكتر من 100 حلقة ..
طمنا فارس كم حلقة هاي المسلسل

اهلين بنائب البيغ بوس والله
انا شايف انو الحكومة كلها عم تحضر هالمسلسل
ههههههههههههههههه

عروس الشام كتب:: اخخخخخخخخخخخخخخخخ ليش هيك عم تعمل فينا يعني بتشوقنا لنكمل وبتقطعها علينا.....

يلا متابعينك وعم ننتظر البقيه

كل مازاد الشوق لمعرفة باقي التفاصيل
زادت متعت الموضوع
تكرمي على عيني

رنيم كتب:: يللا عم ننتظر
الله يخليك ما تتأخر

الله يخليلي ياكِ يا ملاكي
على عيني وراسي
ابشري

الحلقة الخامسة:

وهيك يا جماعة الحمد لله اشتروا الدهبات وقطعوا مرحلة منيحة وهلأ صار لازم نشوف رأي اهل العروس بالدهبات ونتفق عموعد الخطبة
فقامت أم فاروق واتصلت بأم عبدو مشان يحددوا موعد الخطبة ودار الحديث التالي بينهما:
أم فاروق : مرحبا أم عبدو
أم عبدو : أهلين أم فاروق يا أهلا وسهلا
أم فاروق :شلونك انشالله بخير كيفو أبو عبدو وكيفا هالعروس وكيفون الشباب والصبايا من عندك؟؟
ام عبدو : الحمد لله بيدهوا بسلامتك
ام فاروق : الله يسلمك ويحفظك يا رب.........خيتو أم عبدو نحنا جاهزين ها..........
واشترينا العلامة ومشي الحال
ام عبدو : ييييي ............ايمت اشتريتوها؟
ام فاروق : والله مبارح يا خيتو
ام عبدو : وشو هيي؟؟
ام فاروق : يا ستي جبنا جنزير مترين وجوز أساور سحب وجوز حلق بس شو ....الله وكيلك شي بياخد العقل
ام عبدو ما عجبتا العلامة وانقهرت : عاد تكونوا جايبين طقم ذهب من هالطقومي النازلة جديد....... والله أحلى وأهيب
ام فاروق : لك نحنا هيك كنا بدنا نشتري بالاول بس والله ياخيتو ما عجبنا شي بهالسوق ومافي شي بعبي العين
أم عبدو عم تحكي حالها( يعني الجنزير بعبي العين أكتر؟؟ولي عليكون ) : أي ماشي الحال أختي أم فاروق
ام فاروق :وايمت بتكوني جاهزة مشان نعمل الخطبة ؟
ام عبدو : وليش هيك مستعجلة كل هالأد خيتو ؟
ام فاروق : أي ييييييييي بنا نفرح فيهون لهالعرايس
أم عبدو : طيب خليها بعد 3 أسابيع
ام فاروق: يه ليش هيك كل هالأد ......ما بيصير نسبقها شوي؟
أم عبدو : لا يي يا خيتو بدي انزل عالسوق واقطعلا لبنتي قماشة مشان خيطلا بدلة الخطبة وشوفي أديش بدها وقت عند
الخياطة وبدي أعزم هالعالم وجهز حالي مزبوط ..........يعني بتعرفي انتي الخطبة ولوازمها
أم فاروق : ماشي الحال خيتو بعد 3 اسابيع............ووين بدكون تعملوا الخطبة؟
ام عبدو : هون والله عندي بالبيت صالوني كبير وبيساع ..............بس ما يكونوا جماعتك كتار
ام فاروق: ههههههههههه لا كتار ولاشي مافي غير سلايفي وخواتي وبنات حمايي وخالاتي وبات خالاتي وهالكام جارة ورفيق .............
يعني شغلة 40 مرا
ام عبدو : ايه الله يقدم اللي فيه الخير ................لكن ما الخميس الجاي ولا اللي بعدو ....اللي بعدو
ام فاروق: أي خلص لكان .........خيتو أم عبدو أماني بضهرك اذا لازمك شي عوني شي مساعدة بتقوليلي ها
ام عبدو : تضلي سالمي يا رب ما بدنا غير سلامتك والله
أم فاروق : الله يسلمك .....يالله خاطرك
ام عبدو : مع السلامة الله معك

وهيك يا جماعة موعدنا بالجزء اللي بعدو مع الخطبة .............وأما شو خطبة اوووووووووه خيلة !!!!!

فترقبوناا.................

تسلم ايدك ....

يلا متابعين معك....

عروس الشام كتب:: تسلم ايدك ....

يلا متابعين معك....

هههههههههههههههههههههههههههه

ماشاء الله حولك سريعة
الله يسلمك
راحت لبكرا

يسلمن بس مانا معزومين ؟ أمزح

متابعة

رنيم كتب:: يسلمن بس مانا معزومين ؟
متابعة

كيف بدنا نعزمك
مالعرس كله الك

الحلقة السادسة

وبعد ما تحدد موعد الخطبة اجا وقت التجهيزات خياطة الفستان والسفرة والمعزيم وهالقُصص هاي
يلا نشوفش التجهيزات سوا:
نزلت أم عبدو هيي وبنتا عالسوق وقطعوا شقفة القماشة التقيلة مشان يخيطو منها بدلة الخطبة
وراحوا لعند الخياطة الحجة شكرية مشان يخيطوا عندها بدلة الخطبة
وعند الخياطة وبينما كانت الحجة شكرية عم تاخد مقاس سوزان بالميزورة دار الحديث بينها وبين الجماعة

الخياطة : ييييي لكن خطبتك بعد جمـعتين
سوزان : أي والله خالي
الخياطة : ييي سبع مباركات يا خالي سبع مباركات
سوزان : شكرا خالي الله يبارك فيكي
الخياطة : من بيت مين خطيبك خالي؟
سوزان : من بيت ( ..............)
الخياطة : يييييييي بعرفون لكن ....كانوا جيراننا ببيت أهلي من زمان من بيت
(..........) أوادم والله بيقولوا عنهون
سوزان : أي
الخياطة : وحالتون منيحة خالي هالجماعة :؟
سوزان : ماشي الحال
الخياطة :وشو بيشتغل خطيبك خالي؟
سوزان : ..عندو نص سرفيس مشغلوا على طريق الشام وبيشتغل عليه هوي وابن عمو
الخياطة : أي خالي ما قلتيلي شلون بدك موديل البدلة؟
ام عبدو( جايبي معها جورنال فيه موديلات كتيرة ) : شو فيلنا هالموديل حجة شكرية شو رأيك فيه؟؟
الخياطة : فرجيني لشوف ام عبدو.............ممممممممم....يا سلام شي حلو
كتير وأكابري.....وين القماشة اللي جايبتيها؟ فرجيني ياها لشوف
ام عبدو طالعت القماشة من الكيس وعطتها للخياطة : تفضلي حجي
الخياطة : يا عيني شو هالقماشة التقيلة من وين قطعتيها أم عبدو؟
أم عبدو : والله من عند سحلول
الخياطة :بأديش حسبلك الضراع؟
أم عبدو : والله بعد ما عالجناه أخد حق الضراع 1500 ليرة
الخياطة : ييييي ولي على قامتو شو غلوجي.........وكام ضراع جبتي؟
أم عبدو : ضراعين ونص ....ما بيكفوا؟
الخياطة : أي بيكفوا وزيادة
ام عبدو : أي الحمد لله خفت ما يكفوا
الخياطة : أم عبدو أعملا الكمام زم ولا فلو؟
ام عبدو : لا خليه فلو أحلا
الخياطة : وأعملك هون على جنب زمّي ولا لأ؟
أم عبدو : لا بلاها هاي الزّمي
الخياطة : بدك طولا يكون قصير ولا طويل
ام عبدو : شو رأيك ماما بدك ياها طويلة ولا قصيرة؟
سوزان :حيا الله ماما
ام عبدو : خلص حجي خليلا ياها لتحت الركبة بأصبعتين
الخياطة :أي منيح هيك لتحت الركبة بأصبعتين ......لكن شوفي أم عبدو بتروحي بتنطي هلأ
عالسوق قبل ما يسكر وبتجيبي ضراع تول من نفس لون القماشة اللي جايبتيها مشان أعملك هدول اللي
متل الوردات المحطوطين عالكتاف والخصر
أم عبدو : أي والله صحي ليكي نسيت جيبون .....خلص هلأ منروح منجيبو ومنجي
سوزان : بس ما تتأخري خالي حبابي لأنو الخطبة بعد جمعتين
الخياطة : لا خالي شي عشر تيام انشالله بتجي بتلاقيها جاهزة
أم عبدو : يالله خاطرك حجي ....منرجع لعندك بعد شوي .....أنتي معزومة ها لا تنسي
الخياطة : ييي منتشرف والله سوزان غالي علينا........الله معكون

وبنفس الوقت ببيت أم فاروق كانت أ م فاروق قاعدة هيي وبناتا سحر و بسمة عم يتناقشوا مين بدون يعزموا
عالخطبة وسجلنا هاللقطات من حكيون:

بسمة : أي وشو رح تلبسي ماما ؟
أم فاروق : والله يا بنتي عندي الطقم اللي لبستو بعرس أختك من ست شهور لأيئ وعين الله عليه
سحر : أنا بدي البس بدلة الخطبة تبعيتي وقت انخطبت لساتي جديدة والله ...حرام تقعد بالخزانة
ويا كلا العت
بسمة : أنا والله بدي أنزل اشتري جاهز من السوق لأنو ما عندي شي البسوا الله وكيلكون
أم فاروق : بسمة أومي أومي جيبيلنا شقفة ورقة وقلم مشان نسجل اللي بدنا نعزمون مشان قبل الخطبة
بجمعة نتصل ونعزمون
بسمة : وين حاطين الدفاتر والاقلام ؟
أم فاروق : شوفي بجرار الكومودينة يمكن في دفتر وقلم
بسمة قامت وجابت الورقة والقلم ورجعت قعدت
بسمة : أي مين أكتب ماما؟
أم فاروق : سجلي عندك ...مرت عمك أم عصام ومرت عمك أم فواز وعمتك حياة وعمتك فوزية
وعمتك غصون
بسمة : أي سجلتون
سحر : ماما وبناتون ما بدك تعزمي حدا منون؟
ام فاروق : منقلا لكل وحدة تجيب معها بنت بنت عالماشي ...بكرا بالعرس منبقا منعزمزن كلهون
بسمة : ومين كمان ؟
أم فاروق : سجلي خالتك أم أحمد وخالتك أم لؤي وخالتك فاتن مع بناتون
بسمة : سجلت ومين كمان؟
ام فاروق :استني لشوف لأتذكر......أي ...سجلي مرت خالك سوسن ومرت خالك أميمة
مع بناتون
وسجلي بنات خالتي أم خالد وأم كنعان وأم حسان
بسمة : سجلت ومين كمان؟
سحر: ما بدكون تعزموا حدا من بيت حمايي؟
بسمة : أي صحي وأنا بيت حمايي كمان
أم فاروق : سجلي حمات أختك وبنات حماها وكناينها وسجلي حماتك وبنات حماكي وسلايفك
بسمة : سجلت ومين كمان؟
أم فاروق : سجلي جارتنا أم عامرهيي وبنتا وجارتنا أم صبحي هيي وبنتها
سحر : ولشو هدول ولك أمي بدك تجيبيلنا ياهون وتصمديون قدامنا
ام فاروق : أنتي سكتي ما دخلك ............سجلي بسمة أم عامر وأم صبحي
بسمة: سجلت ومين كمان؟
أم فاروق : ونحنا التلاتي ..............شوفي اجمعيلي ياهون كام مرا صاروا؟
بسمة : استني شوي .....تلاتي وتلاتي ستي واربعة عشرة مممممممممممم خمسطاعش وسبعة
بيصيرو تنين وعشرين وخمس طعش ممممممممممم بيصيرا ....37 وحدة
أم فاروق : أي منيح ...نحنا قلنالا لأم عبدو عنا 40 مرا
بسمة : ايه خدي ماما هاي الورقة خليها معك .............أنا بدي قوم روح صارت الساعة 9
هلأ بيجي جوزي
سحر : وأنا كمان رايحة
أم فاروق :قاعدين لك أمي وين رايحين؟
سحر وبسمة : منجي مرة تاني ماما...........أنتي تبقي روحي لعنا ...جيبي البابا
وفاروق وتعو سهرولكون شي سهرة عنا
أم فاروق : انشالله ما منستغني ..............استنوا لأطلبلكون تكسي من المكتب
أحسن ما توقفوا بالشارع هيك حريمات لحالكون
سحر وبسمة : يالله .....بيكون أحسن
وطلبت أم فاروق سيارة تكسي لبناتا وراحوا عبيوتن وقعدت هيي تراجع الورقة تبعت المعازيم لحتى
تشوف بركي نسياني شي حدا تعزمو ا عالخطبة..............

وقبل الخطبة بثلاثة أيام كانت أم عبدو ( أم العروس )عم تحكي مع أختها أم عدنان عالتلفون وصار
الحديث التالي:
أم عدنان : وشو صار معك لك أختي ؟
أم عبدو : جبنا البدلة أولت مبارح من عند الخياطة وشو طلعت ما أحلاها بتاخد العقل
أم عدنان :أي منيح ....وشوصار بالسفرة لك أختي ما اعتمدي شو بدك تساوي؟
أم عبدو : لا شلون اعتمدنا
أم عدنان: وشو رح تعملي؟
أم عبدو : يا ستي وصينا على 100 قرص صفيحة مضفورة من عند المهباني
أم عدنان : أي والله هادا صفيحتو طيبي..........وشو كمان؟
أم عبدو : بدي لف يالنجي بيتنجان وورق عنب ............وبدي أعمل شي أربع
جاطات كُبة مواس وكُبة حميص
أم عدنان : ولشو لوشة الكُبة هلأ ولك أوختي والله بدها شُغل كتير
أم عبدو : معليشي أختي صايرة وصايرة..........وبدي أعمل تبولة شي صدرين كبار
أم عدنان : وشو كمان ؟
أم عبدو : وصيت جوزي يروح لعند هادا اللي عند دوار الحمراء ....شو أسمو و الله نسيت ....
اي معجنات الحمرا ويوصيه على بُرك بجبنة وبسبانخ وبلحمة.......و100 قرص بيتزا صغير
أم عدنان : ييييي لك هادا غالي ياأختي هالمحل قديش بدو يحط حقون جوزك هالمشحر ؟
أم عبدو :قد ما يطلع حقون يطلع بس ما بدي أطلع بسواد الوجه قدام الجماعة ويقولوا أم عبدو سفرة
الخطبة تبعت بنتها ما كانت بتعبي العين
أم عدانان: طول عمرك صاحبة واجب لك أختي
أم عبدو : ووصينا على جاطين حلو مشكل من عند أبو اللبن وبكرا بدو ينزل أبو عبدو على سوق
الحشيش من بكير ويشتريلو سحارة تفاح وسحارة برتقال وكرتونة موز وسحارة خيار
أم عدنان : والله كتير صار يا أختي
أم عبدو: وبدي اعمل شي اربع جاطات جيليه .........وسلفي أبو محمد وصى على
قالب الكاتو 3 طبقات من عند الرينبو وقال هادا هدية منو
أم عدنان : كتر خيرو والله هالزلمي
أم عبدو :أي والله يا أختي ...............لكن بركي بتجي من بكرا أنتي وبناتك
بتناموا عنا مشان تعاونونا الله يوفقكون
أم عدنان : أي لكن لك أختي من بكرا بكير بكون عندك
ام عبدو : خير انشالله........بدك شي أختي
ام عدنان :سلامتك الله معك

والى اللقاء الى الخطبة..............

ياعيني شو هاد....

يالله كمللنا ياها متابعين بس ماتصير شي خناقه بالخطبه هااا!! ! زلغوطة

عروس الشام كتب:: ياعيني شو هاد....

يالله كمللنا ياها متابعين بس ماتصير شي خناقه بالخطبه هااا!! !

عروستنا

بكرا الحلقة التالية
لا تستعجلي الاحداث

ههههههههههههههههههههههه

عبننتظر ها
لاتطول
حباب انت ما

عن جد مشوقة
بالإنتظار
ما تتأخر الله يخليك

شاعر الرومانسيه كتب:: عبننتظر ها
لاتطول
حباب انت ما

اهلين بالغالي عبدالله بيك
تكرم عينك

رنيم كتب:: عن جد مشوقة
بالإنتظار
ما تتأخر الله يخليك

على راسي يازهرة المنتدى
تابعو معي

الحلقة السابعة

وبعد ما اشترينا الدهبات وفصلنا الفستان وجهزنا السفرة بمساعدة سوزان اللي عملت اليالنجي الله يعطيها العافية
مابقي شي غير الخطبة
بس قبلها رح نمر على العروسين مرور الكرام قبل ما نبلش بالخطبة الفعلية
--------------------------------------------------------------------------------
قبل الخطبة يبوم في المساء كانو بيت أبو فاروق عم يتعشوا وكان قاعد عالسفرة فاروق وأبوه وأمو
- خلص فاروق عشاه بسرعة وقام مستعجل
أم فاروق : وين أمي عود كمل أكلك ما أكلت شي
فاروق : خلص أمي شبعت الحمد لله
وركض فاروق عالمطبخ وجاب كاسة شرب كبيرة وعباها كلها شاي وراح ركض فات على أوضتو وسكر الباب وراه
حست أم فاروق عهالحركة ونطت هيي كمان وراحت على أوضة القعدة

( عم تتساءلوا يا ترى شوفي ؟وشو القصة ؟)

فاروق راح على أوضتو مشان يحكي مع خطيبتو سوزان وأم فاروق ركضت على أوضة القعدة مشان ترفع سماعة التلفون التاني مشان تتسمع شو عم يحكي ابنها مع خطيبتو( كالعادة )
واتصل فاروق بخطيتو وردت عليه مرت عمو أم عبدو:
فاروق : مرحبا مرت عمو
أ م عبدو : أهلين
فاروق : كيف الصحة وكيفو عمو وكيف الجميع ؟
أم عبدو : منيحين بيسلموا
فاروق : سوزان هون مرت عمو :؟
ام عبدو: أي هون دقيقة لعيطلك الها
يا سوزااااااااااااان ...سوزاااااااااااان
سوزان من بعيد : نعاااااااام
أم عبدو :تعي ماما احكي مع خطيبك
سوزان هيي سمعت كلمة خطيبة نطت متل القردة وركدت ركيد على أوضتا ورفعت السماعة وقالت لأمها:
سكري ماما عم احكي
أم عبدو : أي ماشي( وبهالوقت بتعمل حالها أم عبدو سكرت السماعة وكبست زر من زرار التلفون مشان يطلع صوت و يعرفوا انو السماعة اتسكرت )
يعني هلأ صار عنا عالخط فاروق وخطيبتو.........والمتنسطين أم اروق وأم عبدو

فاروق : مرحبا
سوزان : اهلييين
فاروق : كيفك اليوم ؟
سوزان : والله مشتاقتلك
فاروق : عن جد؟
سوزان : أي عن جد
فاروق : طيب أديش اشتقتيلي ؟
سوزان : كتيييير ............وانت؟
فاروق : وأنا كمان.........شلون استعداداتك مشان بكرا
سوزان : والله تعبنا اليوم كانت خالتي عنا هيي وبناتا وعم نشتغل طول النهار
فاروق : الله يعطيكون العافي
سوزان : وأنت شلون استعداداتك لبكرا؟
فاروق : ماشي الحال .........بس ..........خيفان من شغلة وحدة
سوزان: شو هيي؟
فاروق : الفوتة بكرا بالخطبة عالنسوان.....والله خجلان كتير من هالشغلة
سوزان :ههههههه أي بسيطة هيي كلها ساعة زمن وبتنقضى ..........بعدين لا تنسى رح تكون قاعد جنبي
( أمفاروق وهيي عم تتسمع بتقول لحالا : ولي على قامتا ما أقواها )
فاروق : ليش هيك كأنو الصوت ضعيف شوي
سوزان : ما بعرف والله يمكن من عندك
فاروق : لا يقوم حدا رافع السماعة من عندك؟
سوزان : لحظة لأتأكد
وراحت سوزان طلعت من أوضتا وراحت عؤضة القعدة( وبهالاثناء حست أم عبدو بهالشي فتركت السماعة وكمشت المرادن وعملت حالا عم تشتغل بالصوف فشافتها سوزان وعرفت أنو مافي حدا رافع السماعة فرجعت على غرفتها)
سوزان : مافي حدا من عندي رافع السماعة
فاروق : بجوز هاي الخطوط تعباني ............أي احكيلي لشوف...
.
.
.
.
.
.
.
.
.
وهيك الى نهاية المكالمة
وتسمعت أم فاروق وأم عبدو على كل المكالمة اللي صارت بين فاروق وسوزان ( سبحان الله هالحماوات ما ببطلوا هالعادي منوب)

وأجا يوم الخطبة والعالم كلها ملتاشة ومتل ما بتعرفوا يا أعزائي يسبق الخطبة كتب الكتاب اللي بيقولوا عنا كتب الكتاب البراني ( عند الشيخ يعني ) وهوي كتب كتاب نظامي وفي عليه شهود بس غير مصدق بالمحكمة أصولا

وبعد أذان المغرب راحت سوزان هيي وأختها لعند الكوافيرة ايزابيل اللي عند دوار الحمرا مشان تعمل شعرها عندها
وبهالوقت كانوا بيت أم عبدوا عم يجهزوا الصالون مشان بدون يجو الرجال ويجتمعوا مشان يصير كتب الكتاب البراني اللي هوي ضروري مشان يقدر الخطيب يشوف خطيبتو ليلة الخطبة
وصارت الساعة تماني ونص بعد العشاء وجمعوا بيت أبو فاروق حالون هني وجماعتون وقرايبينون وراحوا لعند بيت العروس ( طبعا وبطريقون مروا لعند الشيخ اللي بدو يكتب الكتاب وأخدوه معهون

ووصلوا على بيت العروس واستقبلهم أبو عبدو بلأهلا والسهلا وكان حاضر عمام العروس وخوالها وولاد عمها وولاد خالها وجدها وحشد من الناس
وبلش كتب الكتاب بخطبة القاها الشيخ اللي بدو يكتب الكتاب ( هاي العادة متعارف عليها عنا قبل كتب الكتاب )
وبعد الخطبة جلس الشيخ وكتب العقد على الورق وأخد من تنين من الموجودين هوياتهم ليسجلهم شهود على العقد وبعدها قام الشيخ ومعه الشهود واستأذنوا من أبو عبدو ودخلوا أحد الغرف الجانبة في البيت ثم جاءت سوزان ( العروس ) ولابسة ومتسترة وجلست وسألها الشيخ :
انت سوزان بنت صلاح بنت فاطمة؟
سوزان : نعم
الشيخ : هل يا بنتي بتقبلي بفاروق ابن محمود ابن ازدهار زوجا لك على سنة الله ورسوله؟
سوزان سكتت وخجلت وماعاد تعرف شلون يطلع الحكي منها فرجع سألها الشيخ : هل يا بنتي بتقبلي بفاروق ابن محمود ابن ازدهار زوجا لك على سنة الله ورسوله؟
سوزان : نعم بقبل
الشيخ للشهود : سمعتو يا أخوان؟
الشهود : أي نعم اسمعنا
الشيخ : يا الله خدولنا طريق لنرجع لعند الجماعة
ورجع الشيخ عالصالون ليكفي كتب الكتاب
( عادة سؤال البنت قبل كتب الكتاب واجبة عندنا ولازم يكونوا الشهود موجودين ويسمعوا جواب البنت وذلك لاثبات صحة الزواج وتأكيده 100 %
وجلس الشيخ وقال : تعا يا أبو عبدو أقعد على يميني وتعال ياأبو فاروق وأقعد على يساري
وقاموا ابو عبدو وابو فاروق وعملوا متل ما قلن الشيخ
وجلسوا قدام بعض وبيناتهون الشيخ
وقال الشيخ : أبو عبدو حط أيدك بأيد ابو فاروق وقول ورايي
الشيخ : زوجت
أبو عبدو : زوجت
الشيخ : وأنكحت
ابو عبدو : وأنكحت
الشيخ : موكلتي
ابو عبدو: موكلتي
الشيخ : ابنتي سوزان
ابو عبدو : ابنتي سوزان
الشيخ : لموكلك
ابو عبدو: لموكلك
الشيخ : ابنك فاروق
ابو عبدو : ابنك فاروق
الشيخ : على مهر
ابو عبدو : على مهر
الشيخ : مقدمه 100 ألف ليرا سورية مقبوضة
ابو عبدو : مقدمه 100 ألف ليرا سورية مقبوضة
الشيخ : ومؤجله 500 ألف ليرة سورية
ابو عبدو : ومؤجله 500 ألف ليرة سورية
الشيخ : باقية في ذمته
ابو عبدو : باقية في ذمته
الشيخ : مادام عقد الزواج هذا قائما
ابو عبدو : مادام عقد الزواج هذا قائما
الشيخ : والله على ما أقول شهيد
ابو عبدو : والله على ما أقول شهيد
الشيخ يلتفت لأبو فاروق ويلقنه:
الشيخ : وأنا قبلت
ابو فاروق : وأنا قبلت
الشيخ : تزويجك
ابو فاروق : تزويجك
الشيخ : وانكاحك
ابوفاروق: وانكاحك
الشيخ : موكلتلك
ابوفاروق: موكلتك
الشيخ : ابنتك سوزان
ابو فاروق: ابنتك سوزان
الشيخ : لموكلي
ابو فاروق : لموكلي
الشيخ : ابني فاروق
ابو فاروق : ابني فاروق
الشيخ : على مهر
ابو فاروق : على مهر
الشيخ : مقدمه 100 ألف ليرا سورية مقبوضة
ابو فاروق : مقدمه 100 ألف ليرا سورية مقبوضة
الشيخ : ومؤجله 500 ألف ليرة سورية
ابو فاروق : ومؤجله 500 ألف ليرة سورية
الشيخ : باقية في ذمة موكلي
ابو فاروق : باقية في ذمة موكلي
الشيخ : مادام عقد الزواج هذا قائما
ابو فاروق : مادام عقد الزواج هذا قائما
الشيخ : والله على ما أقو ل شهيد
ابو فاروق : والله على ما أقول شهيد

الشيخ : ...الفاتحة على نية التيسير والقبول

وقرأ الجميع الفاتحة وبد ما خلصت قراء الفاتحة سمعوا الموجودين صوت الزلاغيط من جوا من المطبخ

وقام العريس وباس ايد ابوه وبوس عمو ودار وسلم على جميع الحاضرين

وبعدا دخلوا العالم عالسفرة وأكلوا واتحلوا وانبسطوا وباركوا للجماعة وقالوا السلام عليكم وراحوا

وهون خلص الجزء من الخطبة الخاص بالرجال وباقي الجزء الخاص بالنسوان

فإلى اللقاء غداً مع خطبة سوزان وفاروق

يعل قلبو هالكاتب بصراحة
يعني ما تعبو أصابيعو هو وعممط القصة

شاعر الأحاسيس كتب:: يعل قلبو هالكاتب بصراحة
يعني ما تعبو أصابيعو هو وعممط القصة

هههههههههههههههههههههههههههه

فارط ضحك

ههههههههههههههههههههههههههههههههه

عنجد ابو وليد معك حق والله انعل قلبي عل..

يالله متابعين...

بس أنا لقيتا مشوقة
يعني بصراحة تقريبا في كتير منا مظبوط يعني ما عم لاقيا غريبة عليي

بانتظار الباقي
متابعة غمزة

ولك شو بدنا بخطبة الرجال
احلى شي خطبة النسوان
عطينا من الاخر ياا

بس لاتطول ....
لاني اندمجت عالاخر ,,,